Dins l’encastre de la guèrra en Orient Mejan, las entrepresas d'armas e d’esquipament militar amb de quotacions en borsa veson pojar significativament lo prètz de lors accions, en arribant a l’8%. Se destacan d'entrepresas coma l’alemanda Rheinmetall, que dijòus passat sas accions pojavan d’un 7,23%, e l’occitana Thales amb un aument d’un 6,57%.

Ça que la, lo principal provesidor d’armas a Israèl son los Estats Units, que fornisson a l’armada de l’Estat Ebrieu l’80% de sas crompas en material de combat. Lockheed Martin, qu'a recebudas fòrça crompas, a experimentat un aument d’un 10% en borsa, e Northrop Grumman, considerat coma lo cinquen productor d'armas del Mond, una creissença d’un 16%. Segon qualques analistas, l'indústria de guèrra dels Estats Units a conegut un aument considerable, en atenhent los 205 miliards de dolars arunan.

Israèl, dins los atacs actuals contra Gaza e Liban, emplega d’armas aquistas dins las darrièras tres annadas.

Seriá bon de comparar totes aqueles ganhs economics amb lo còst en vidas umanas e sofrenças.