Actualitats
Saluças: torna l’Uvernada del 27 al 29 d’octòbre
Pendent una longa dimenjada, la musica occitana envasirà lo centre istoric de la vila, al pè del mont Vísol, e culminarà amb un concèrt bèl del grop Lo Dalfin, que presenta son album novèl
Saluças se prepara per festejar un còp de mai l’Uvernada, lo festenal de las Valadas consagrat a la musica occitana que marca cada an la transicion devèrs la sason ivernala. L’Uvernada 2023 es lo ponch culminant del Festenal Occit’amo, un festenal itinerant qu'a menats de sons populars dins las Valadas, implicant la cultura occitana dins mai de 50 eveniments pendent lo periòde estivenc.
L'Uvernada, programada del 27 al 29 d'octòbre, representa un moment de fèsta e léser que marida la musica amb las tradicions occitanas. Pendent l'eveniment, Lo Dalfin presentarà son album novèl.
L'Uvernada d’ongan se concentra sus divèrsas tematicas, dont l'artisanat, la lutariá, la cotelariá e la lenga occitana. Lo programa prevei de mercats, de passacarrièras, d’exposicions, de conferéncias, de rescontres literaris e artistics, d’estagis de danças e, plan segur, de concertasses sus l’empont bèl.
Clavarà la dimenjada un grand concèrt del grop Lo Dalfin qu’i presentarà son darrièr album.
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
I a pas cap de comentari
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari