Una emission en dirècte conjoncha dels podcastes País Invisible e Sons Occitans clavarà uèi la tresena edicion del festenal Òc Cultura, que pòrta la lenga e la cultura occitanas a la vila catalana de Lhèida. Aital, a partir de 17h, una emission clafida de lenga, de cultura, de musica, de bona umor e de suspresas s’emetrà en dirècte jos la direccion de Zep Armentano amb la collaboracion d’Anna Geli e de Ferriòl Macip, del temps que David Valls e Eric Laquente n’asseguraràn la partida tecnica. La poiretz seguir sus aquesta pagina de Jornalet a partir de 17h.

L’edicion 2023 d'Òc Cultura 2023 s’es ja destacada amb la musica d'Eric Fraj e lo parladís umoristic de Ferriòl Macip entre d’autras proposicions qu’an sarrat l’identitat occitana dels ciutadans de Lhèida.

Organizat per la seccion d’occitan aranés de l’Institut d’Estudis Ilerdencs, Òc Cultura prepausa cada an una setmana plena d'eveniments culturals qu'explòran la diversitat de la cultura nòstra.

Podètz seguir en dirècte l’emission a partir de 17h