Actualitats
Rodés: se presentarà dissabte l’associacion La Gardarem
Fruch de qualques meses de mobilizacions, a per tòca d’inventar un festenal interregional de las culturas occitanas, coma o èra l’Estivada de Rodés
Tèxte legit
Se presentarà dissabte que ven, 4 de novembre, a Rodés l’associacion La Gardarem, fruch de qualques meses de mobilizacions del collectiu Gardarem l'Estivada. Sa tòca es de presentar la nòva associacion e los membres, e de convidar totòm a participar a una amassada generala per tal de collectar de proposicions, d’escambis amb los participants, e de presas de decisions collectivas per tornar inventar un festenal interregional de las culturas occitanas, coma o èra l’Estivada de Rodés.
De ramentar que la comuna de Rodés a tresmudat lo festenal occitanista en un eveniment mainstream dich F’estivada completament desoccitanizat. Aquò a fach reagir los aimadors de l’Estivada dins una peticion en linha qu’amassa environ 5500 signaturas, amb la crecion del collectiu Gardarem l'Estivada, qualques mobilizacions e ara la creacion de l’associacion que se presenta dissabte.
Rendètz-vos lo 4 de novembre 2023 a 14h a l’Ostal de Ma Region, 41-43 Carrièra Betelha a Rodés.
Per mai d’entresenhas: gardaremlestivada@gmail...
Articles relacionats
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
I a pas cap de comentari
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari