La Setmana de la Paraula

• L’IEO Aude organiza una Setmana de la Paraula amb quatre rendètz-vos del 13 al 16 de novembre. Los primièrs tres se tendràn a 6h e mièja del vèspre en la sala Na Loba a Puègnautièr (dintrada: 5 èuros).

• L’òbra de l’abat Fabre: primièr rendètz-vos lo diluns 13 amb la conferéncia-lectura prepausada per TIO-La Rampa sus l’òbra de l’escrivan del sègle XVIII: l’abat Joan-Baptista Fabre e, en particular, sus son Opèra d’Aubais, qu’a per tèma las amors contrariadas de dos joves. Joan-Claudi Forèst presenta l’òbra e Viviana Allocco e Bruno Cecilhon l’interprètan.

• Fantastics Contes d’Òc: dimars 14, plaça als contes e mai particularament als Fantastics Contes d’Òc presentats per Fabian Bages e acompanhats en musica per Arvèi Robèrt. Los dos artistas explican la tòca dels 5 contes causits: ”Dins los racontes fantastics, l’estranh, l’extraordinari, lo  subrenaturals’enauranfins a ladesmesura. Los contesqu’avèmcausitsond’aquelamena. Emplenatsdefòga, amb depersonatgestanfalordscomaestrambordants. Sas peripècias vos espantaràn!”

• Recital de LasSalvatjonas: dimècres 15, la cançon e la musica tradicionalas prendràn lo relèu amb lo jove parelh deLasSalvatjonas (Aelis Loddo, cant, alto, violon, percussions; Laurie Alias, cant, percussions). Las doas musicairas vòlon ”tornara las fonts del cant popularoccitan” per prepausar lor interpretacion dins lo Mond d’ara. Vos convidan a dintrar dins lor musica que balha vida a un òrt sonòr dobèrt, enrasigat e creatiu.

• Lo Legendari d’Occitània: lo quatren rendètz-vos prendrà la forma d’una conferéncia de Danièl Loddo sul Legendari d’Occitània que se debanarà lo dijòus 16 de novembre, a 18h, dins la sala del GARAE a l’Ostal de las Memòrias de Carcassona. S’apiejant sus sa publicacion-bilanç de 40 annadas de collectatge (pareguda a la debuta de l’an), Danièl Loddo farà aparéisser lo Diable, la Verge, Gargantuà, los Gigants, los Dracs e autres dragons, Annibal, de tresaurs amagats, de malasòrts, de lops, de bandits, fadas, fachilièras e mitonas, enfants salvatges…  Aitant de personatges e de luòcs que noirisson l’imaginari popular.

Sèrgi Carles a l’Estanquetd’Argon

Aprèp la venguda de Didièr Mir per presentar Leis Inaudibles en setembre e la de Miquèla Stenta per parlar de Cronicas de quauques jorns ordinaris en octòbre,  vendrà a Sèrgi Carles d’èsser lo convidat de l’Estanquet mesadièr de Fasètz la Lenga en Cabardés lo dimars 21 de novembre (Ostal de Cabardés, 18h30). I presentarà Istòria d’un sauvatjòt (Letras d’Òc): son raconte autobiografic, escrit a nautor d’un mainatge que descobrís lo Mond: l’ostal, lo vesinatge, l’escòla, los plasers e las penas, la vida de cada jorn viscuda entre doas lengas, l’occitan (lo patés, coma lo mond disián) e lo francés…

Segon una tradicion plan establida, un sopar convivial seguís la charradissa (8 èuros; reservacion obligatòria: +33(0)6 14 39 16 39).

Molins, Martror e balèti per Saissac d’Òc

Lo vilatge de Saissac aculhirà una novèla setmana occitana Saissac d’Òc del 20 al 25 de novembre:

• diluns 20, a 18h: estrena d’una mòstra de fotografias Molins d’Aude de Maria-Teresa Montané, amb una conferéncia d’Alan Roch suls molins dins l’imaginari lengadocian.

• Long de la setmana, i aurà d’intervencions al prèp dels escolans, de l’EHPAD, de l’APAJH, e d’accions cò dels comerçants.

• dijòus 23, a 20h30, las comedianas del Teatre de las Originas presentaràn lor Conferéncia Borlesca d’Interès Occitan de sason Martror, fais-moi peur!

• dissabte 25, aprèp un temps d’iniciacion a las danças amb l’associacion Tournesol a 18h30, balèti en serada amb lo parelh Mbraia, portat per tot lo vam de Paulin Courtial e d’Arnaud Cance.