Agèr dimenge 28 de junhsèga se debanèc era 20u corsa Aran per sa lengua que, coma cada an, e organize eth collectiu Lengua Viua. Aguest 20u anniversari que coïncidís damb es aiguats mès fòrts que se rebremben. Mès eth país b’ei en marcha e er esperit dera vediau s’a pogut veir entre es participants: tot un poble en movement pera lengua.
 
Ath delà deth caractèr conviviau, Aran qu’a hèt a enténer un an mès era revendicacion de destinar sòs ath desvolopament dera lei der occitan, aranés en Aran; ara immersion lingüistica ena escòla e ar engatjament des administracions. Se coïncidís en que cau promòir er usatge sociau dera lengua, qu’ei oficiau e veïculara en estudi mès qu’eth sòn usatge ena vida vidanta e en tot recular.
 
Eth prèmi Lengua Viua d’enguan qu’ei estat autrejat ar Ajuntament de Barcelona, qu’en tot acceptar era oficialitat der occitan ath madeis nivèu qu’eth catalan, e a hèt a vier era nòsta lengua coma lengua d’usatge culturau en cap-lòc de Catalonha. “Non sonque auem arrevirat es huelhetons des musèus ar aranés, es pannèus e tota era informacion culturau que se ve a prumèr còp d’uelh e ei en aranés” çò a declarat a Jornalet Josep Lluís Alay, director de patrimòni, musèus e archiu der Ajuntament de Barcelona, qu’anèc a Vielha entà arrecéber eth prèmi.
 
Deth sòn costat, eth joen aranés Pep Casasayas qu’arrecebèc eth prèmi de 400 èuros peth dissenh dera camiseta dera corsa d’enguan.
 
Entà acabar era jornada, un an mès Nadau a hèt sautar a joeni e a grani damb era sua musica.
 
 
 
 
Ferriòl Macip