Deman serà la Diada de Catalonha Nòrd, que coma cada 7 de novembre, dempuèi 1659, revendica “d’escafar lo Tractat dels Pirenèus”, pel qual s’incorporèt la partida nòrd de Catalonha a França.

A l’escasença d’aquel jorn nacional, aguèt luòc dissabte una manifestacion a Perpinhan qu’ongan revendica lo plen usatge del catalan e un estatut especial que reconesca l’especificitat lingüistica e culturala de Catalonha Nòrd.

Jos la devisa “Sèm Catalonha Nòrd, fagam los Païses Catalans”, aperaquí dos milièrs de personas revendiquèron l'urgéncia de promòure l’usatge social e la transmission del catalan e la dobertura dels passatges frontalièrs barrats pel govèrn francés que ligan lo territòri amb la rèsta de Catalonha.

Lo Jorn de Catalonha Nòrd se commemòra lo 7 de novembre, mas la manifestacion se desplaça de qualques jorns dins una dimenjada car dins l’estat francés la data es pas un jorn festiu. Se remembra lo Tractat dels Pirenèus, signat per las monarquias francesa e espanhòla en 1659, que simboliza la particion de Catalonha, la pèrda de las institucions pròprias en Catalonha Nòrd, lo començament de la descatalanizacion sistematica del país e la resisténcia de l’identitat catalana als divèrses regims franceses.

2.000 persones a Perpinyà per la Diada de la Catalunya Nord.

Pel català, pel socialisme, pel feminisme, l’ecologisme i la independència dels Països Catalans.

Sem Lluita, Sem Països Catalans ✊ pic.twitter.com/XigrNqnF6w

— CUP Països Catalans (@cupnacional) November 4, 2023

Tot a punt per a la manifestació de #Perpinyà, Sem Catalunya Nord, Fem Països Catalans pic.twitter.com/irxncipXeO

— L'Accent (@laccent) November 4, 2023

El proxím any intento manifestar amb vosaltres ✊https://t.co/v68yYkrkIk

— Neumuller Michel (@NeumullerM) November 4, 2023