Actualitats
L’armada israeliana a arrestada la jove activista palestiniana Ahed Tamimi per de menaças als colons
Fa 5 ans, l’adolescenta Tamimi venguèt un simbòl de la resisténcia palestiniana per aver engautat un oficièr de l’armada
Tèxte legit
L’activista palestiniana Ahed Tamimi foguèt arrestada dins la nuèch de dimenge a diluns per l’armada israeliana. L’arrestèron dins son ostal del vilatge de Nabi Salih, en Cisjordania, mentre que dormissiá. Veniá de publicar un messatge sus Instagram que menaçava los colons israelians. L’armada l’acusa d’incitacion al terrorisme.
“Nòstre messatge a las molonadas de colons es que vos esperam dins totas las vilas de [Cisjordania], d’Ebron fins a Jenin. Vos massacrarem, e diretz que çò qu’Hitler faguèt amb vosautres èra una badinada. Beurem vòstre sang e manjarem de vòstres cranis. Venètz, vos esperam”, çò disiá lo tèxt, escrich en ebrieu e arabi.
De remembrar que los colons israelians en Cisjordania aprofièchan totes los agaches meses sus Gaza per aumentar la pression suls palestinians que son forçats de fugir lors ostals al mièg de la violéncia.
Coneguda per aver engautat un oficièr de l’armada
En 2018, quand aviá 17 ans, Tamimi foguèt detenguda e acusada d’agarrir un oficièr de las Fòrças de Defensa d’Israèl (FDI) per aver donat un emplastre a un militar. Puèi foguèt condemnada a 8 meses de preson e a una multa de 5000 shequèls (aperaquí 1200 èuros).
Lo ministre de la seguretat nacionala israeliana, l’ultradrechista Itamar Ben-Gvir, a felicitats los soldats per aver detenguda una “terrorista”.
Tamimi es filha de l’activista Bassem Al Tamimi, que segon los mèdias palestinians foguèt arrestada la setmana passada per l’armada israeliana, quand ensajava de quitar Cisjordania e d’intrar en Jordania.
כל הכבוד לכוחות צה"ל שעצרו הלילה את המחבלת ו"פעילת זכויות האדם" עהד תמימי מנבי סאלח שהורשעה בעבר בתקיפת חיילי צה"ל ומאז פרוץ המלחמה מביעה הזדהות ותמיכה בחיות האדם הנאצים ברשתות החברתיות. אפס סובלנות עם מחבלים ועם תומכי טרור! רק ככה! pic.twitter.com/YeozAiUxvd
— איתמר בן גביר (@itamarbengvir) November 6, 2023
For those who don’t remember her, this is Ahed Tamimi.
— Leyla Hamed (@leylahamed) November 6, 2023
They stole her childhood and now her adulthood too. https://t.co/cQrFXS8J5Upic.twitter.com/wjzCZIe5tj
Ahed Tamimi was widely praised in the West last year when people mistakenly thought she was a Ukrainian girl confronting a Russian soldier. I’m sure those same people will be up in arms over the fact that she was arrested again — along with hundreds of others in the West Bank https://t.co/PODaAM7wV9pic.twitter.com/3OaOj2Ii56
— Farah-Silvana Kanaan (@farahkanaan) November 6, 2023
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
I a pas cap de comentari
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari