Actualitats
Bilbao: granda protèsta contra las ingeréncias de la justícia contra lo basco
70 000 manifestants reclaman que se promòga la lenga dins totes los domenis de la vida vidanta
Tèxte legit
Dissabte passat, 4 de novembre, aperaquí 70 000 personas manifestèron per la normalizacion del basco e contra “l’ingeréncia judiciària dins la lenga”: dempuèi 2020, los tribunals an emés d’efièch almens 18 senténcias qu’empachan l’usatge public de la lenga pròpria del Bascoat. Dins aquel sens, l’organizacion Kontseilua denóncia la bascofobia de la magistratura: “Dins totas las senténcias i a un fil conductor” que pretend que lo basco “es malaisit” o qu’es “irracional de lo voler normalizar”, çò rapòrta la television basca EITB. Aital, la protèsta reclamèt un acòrdi sòciopoliticoeconomic que promoguèsse lo basco dins totes los domenis de la vida vidanta.
La manifestacion foguèt sostenguda per divèrses partits politics, dont l’EAJ-PNB, EH Bildu, Geroa Bai, EH Bai e la formacion esquerrista espanhòla Sumar (Addicionar), que jonguèron la causa de defensa de la lenga basca.
Akordio soziopolitiko berri bat egitera engaiatu da Euskalgintzaren @kontseilua#HizkuntzaPolitika#Oldarraldiahttps://t.co/KQBx6Qp1PU
— kazeta.eus (@kazetaeus) November 8, 2023
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
La judicatura espanhola ten la meiteissa ideologia linguistica que en Macron.
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari