Los crestians de Palestina an suspendut las celebracions de Nadal coma mòstra de solidaritat amb Gaza, ont la crisi umanitària persistís, çò rapòrta The Washington Post. I aurà pas de celebracions publicas, ni de lums ni l'arbre de Nadal sus la plaça del Presep de Betelèm fins que la situacion melhore, çò an decidit los crestians de totas las confessions presentas. Los crestians representan aperaquí lo 2% de la populacion de Cisjordania e mens de l’1% de Gaza, ont la glèisa crestiana mai anciana es estada destrucha per las bombas.

En mai d’aquò, una delegacion de crestians palestinians s’es desplaçada a Washington e a remés una letra al president Biden per demandar qu’intervenga per obténer l’alta al fuòc e la patz.

La delegacion a exprimit tanben son chepic per l’ostilitat creissenta en Cisjordania e a Jerusalèm, provocada per d’agressions d'extremistas josieus. La delegacion condemna los actes d’Hamas mas pausa en question l'estrategia d'Israèl e demanda una solucion pacifica.

Lo pastor Munther Isaac, que fa partida d’aquela delegacion, espèra que lo temps de Calendas serà l’escasença per pensar sus la situacion. A dich qu’ongan lo presep se fariá dins de tarcums coma simbòl de la naissença de Jèsus entre los qu’o an tot perdut.

“How can we celebrate when we feel this war — this genocide — that is taking place could resume at any moment?” Isaac said.
Christmas Is Canceled in Bethlehem, Say Palestinian Christians https://t.co/RE5C0A2ui6 via @Sojourners

— Munther Isaac منذر اسحق (@MuntherIsaac) November 30, 2023