Actualitats
Lo president de la COP28 es un entrepreneire petrolièr que fa de negacionisme climatic
La 28a Conferéncia de las Nacions Unidas sul Cambiament Climatic se ten dins una vila plena de contradiccions climaticas
Tèxte legit
A luòc a Dubayy la 28a Conferéncia de las Nacions Unidas sul Cambiament Climatic (COP28) amb de desenas de milièrs de delegats del Mond entièr. Dins un encastre fòrça pauc optimista, los scientifics avertisson que las tòcas climaticas son luènh d'èsser atenchas. Mentretant, se critica que sián justament los Emirats Arabis Units, importants productors de petròli, qu’aculhisson l’eveniment. Amb l’assisténcia de dirigents coma Lula da Silva e Rishi Sunak presents, e l'abséncia probabla de Xi Jinping e Joe Biden, se prevei un debat intens sus l’avenir dels combustibles fossils.
Los ponches clau d’aquesta conferéncia seràn l’avaloracion dels progrèsses dempuëi l'Acòrdi de París e las negociacions per compensar los païses mai paures per las "pèrdas e damatges".
La conferència se ten dins l’Expo City de Dubai, un complèxe que se vòl presentar coma una “miniciutat” futurista. Pasmens, lo sit se tròba dins una vila plena de contradiccions climaticas ont quitament i a de pistas d’esquí cobèrtas en plen desèrt.
Un president negacionista
La COP28 es presidida per Sultan Ahmed Al Jaber, ministre de l’indústria e de las tecnologias avançadas dels Emirats, cap de la Companhiá Nacionala de Petròli d’Abu Dhabi (ADNOC) e director executiu de Masdar, una societat estatala d'energias renovelablas.
Estudièt l’engenhariá quimica e l’administracion d'entrepresas en Califòrnia e l’economia al Reialme Unit. Totun, son imatge coma defensor de l’environament es mesa en question. Es maridat amb la filha d’un ministre del petròli, e ara l’acusan de cercar d’acòrdis sul petròli e lo gas dins la cima climatica.
Fa qualques jorns, diguèt dins una videoconferència que non i aviá “pas cap de sciéncia” que certifiquèsse que l’eliminacion dels combustibles fossils reduiriá l’escalfament global de la planeta.
Presentem el Mediterranean Climate Action Partnership amb regions de clima mediterrani dels 5 continents. Les regions tenim un paper clau en la implementació de mesures de mitigació i adaptació al canvi climàtic i de conservació de la biodiversitat pic.twitter.com/ALHnbjvExQ
— Mireia Boya Busquet (@yeyaboya) December 2, 2023
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
Negacioniste? Quò es ben un jujament de prof: "t'a ren compris e un gente trait de color roja sur la copia"
I a pas a discutar. L'òm obeit au prof. L'om cercha mesme pas a comprener lo perqué e lo coma.
Lo cambiament politic arieba dins tots los pais e dins lo monde entier.
Es possible que vertat d'aier siaja messonjas deman.
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari