Actualitats
Bradley Manning, absolgut del delicte d’ajudar l’enemic
Es estat declarat colpable dels autres dètz e nòu delictes, mas poiriá evitar d’èsser condemnat a la preson a perpetuitat
Lo soldat Bradley Manning foguèt ièr declarat absolgut del delicte d’aver ajudat l’enemic dins l’afar Wikileaks. Aquela absolucion es estada un estonament e li poiriá evitar d’èsser condemnat a perpetuitat, mas foguèt sentenciat colpable dels autres dètz e nòu delictes que n’èra acusat. Manning foguèt arrestat en mai de 2010 jos l’acusacion d’aver passat sèt cents mila documents classificats del govèrn dels Estats Units, que l’organizacion WikiLeaks difondèt puèi. Arser la jutgessa faguèt lo verdicte.
Manning es estat empresonat tres ans en esperant aquel jutjament. La mitat del temps l’a passada en essent estremat dins una cellula de 4,46 mètres cairats.
Dins lo jutjament reconeguèt e justifiquèt lo passatge de las informacions per denonciar los abuses de l’armada estatsunidenca en Afganistan e Iraq. “Cresi que se l’opinion publica aguèsse accès a l’informacion, aquò poiriá ajudar a estendre lo debat sus la politica militara e internacionala dels Estats Units”.
L’afar Manning sembla parcialament lo de Daniel Ellsberg, un analista militar que trabalhava pel Pentagòn fa quaranta ans, pendent la Guèrra de Vietnam. Testimòni de l’accion de las tropas estatsunidencas sul terren, publiquèt al jornal New York Times un estudi secret, conegut amb lo nom de Pentagon Papers, ont criticava una guèrra que considerava “tròp laboriosa e immorala”.
Ellsberg es una de las personalitats qu’an mostrat explicitament lor solidaritat amb Manning.
Manning es estat empresonat tres ans en esperant aquel jutjament. La mitat del temps l’a passada en essent estremat dins una cellula de 4,46 mètres cairats.
Dins lo jutjament reconeguèt e justifiquèt lo passatge de las informacions per denonciar los abuses de l’armada estatsunidenca en Afganistan e Iraq. “Cresi que se l’opinion publica aguèsse accès a l’informacion, aquò poiriá ajudar a estendre lo debat sus la politica militara e internacionala dels Estats Units”.
L’afar Manning sembla parcialament lo de Daniel Ellsberg, un analista militar que trabalhava pel Pentagòn fa quaranta ans, pendent la Guèrra de Vietnam. Testimòni de l’accion de las tropas estatsunidencas sul terren, publiquèt al jornal New York Times un estudi secret, conegut amb lo nom de Pentagon Papers, ont criticava una guèrra que considerava “tròp laboriosa e immorala”.
Ellsberg es una de las personalitats qu’an mostrat explicitament lor solidaritat amb Manning.
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
#2 B'ei permor d'aquò qui hicavi guilhemets.
N'ei pas ua realitat a noste uei lo dia segur mes la democracia deus Grecs que' hasè enter òmis, las hemnas n'i avèn pas cap de plaça.
Democracia que pòt voler díser hèra de causas... Qu'ei tanben un ideau qui pòt portar bonas causas.
#1 Cossí dises ? "Democracia" ? Parlas de qué ? Del sègle de Pericles ? La nocion de "democracia" es coma las nocions de "justícia" o de "ciutadanetat" : seccion "Contes e legendas de l'umanitat occidentala".
Qu'admiri aqueths qui gausan de díser çò qui los autes vólen escóner com aqueth òmi, Snowden o Asenge.
Los contribuables de qui èm que deverén estar considerats com ciutadans qui an lo dret de saber çò qui hèn dab la nosta moneda e pas com "subjèctes" qui deven créder e carà's.
Mei que mei dens los estats "democratics" coma los USA o los de l'UE on los capdaus tiran la loa legitimitat de nosauts, lo pòble qui'us elej.
Que poscan guardar cèrtas causas secretas quand ei absoludament necessari entà la proteccion de tots, que s'i pòt pensar e que's pòt debàter.
Per contra, a partir d'un moment, s'an tant de causas a escóner que's cau pausar la question : e govèrnan entà nosauts o entàd eths?
L'"omertà", non desbrombem pas qu'ei ua lei dictada per las mafiàs. Quand podem estar condemnats per aver romput ua lei deu silenci, tà jo qu'ei un signe d'illegitimitat deu govèrn qui condemna.
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari