La Confederacion Haudenosaunee, o dels iroqueses, qu’amassa de pòbles originaris dels Estats Units e Canadà, participarà jos sa pròpria bandièra als Jòcs Olimpics de Los Angeles en 2028 dins la disciplina de la cròça. Lo president estatsunidenc, Joe Biden, e la ministra dels espòrts de Canadà an anonciat lor sosten, çò rapòrta The Washington Post.

E mai encara s’espère l'aprobacion del Comitat Olimpic Internacional per la participacion olimpica de la Confederacion Haudenosaunee, lo sosten dels Estats Units e Canadà es ja un pas significatiu devèrs l’inclusion de las esquipas indigènas dins de competicions internacionalas.

L’esquipa, qu’a longtemps luchat per aquela reconeissença internacionala, o considèra coma un moment istoric, tant per la representacion olimpica de la confederacion dels iroqueses coma pel retorn de la cròça als Jòcs Olimpics après mai d’un sègle.

La cròça (del francés “la crosse” mas internacionalament se ditz sovent lo lacrosse en passant per l’anglés) es un espòrt collectiu d'origina autoctòna americana ont los jogadors se servisson d'una cròça per metre una bala dins la buta advèrsa. Foguèt codificat en 1867 pel canadenc William George Beers.

La Confederacion Haudenosaunee es formada de las nacions seneca, cayuga, oneida, onondaga, mohawk e tuscarora.

‼️ L’equip indígena nord-americà que podria competir als Jocs Olímpics del 2028.

🔶 Els Estats Units i el Canadà han donat suport a la petició de la Confederació Haudenosaunee per a competir sota la seva pròpia bandera. https://t.co/AwiZRpJaSbhttps://t.co/AwiZRpJaSb

— VilaWeb (@VilaWeb) December 11, 2023