Actualitats
“La Caixa” que hè un don de 300 000 èuros entara reconstruccion de camins e pònts en Aran
CaixaBank, era banca catalana coneguda coma “La Caixa”, que destinarà 300 000 èuros ara reconstruccion des principaus accèssi toristics dera Val d’Aran, damatjadi pes inondacions deth 18 de junh.
Era aportacion dera entitat que vierà a trauèrs d’Obra Social “La Caixa”, era fondacion dera banca entà finalitats sociaus, e que contribuirà a apraiar paviments, trams de camins de montanha, e pònts, segontes informèc agèr dimars eth Conselh Generau d’Aran en un comunicat.
Es camins mès damatjadi que son es tres principaus accèssi toristics: es vals des arrius Aiguamòg, Valarties e Joeu a on era Artiga de Lin e ei un des punts mès visitadi deth país.
“Era restauracion d’aguesta zòna non sonque contribuirà a restablir eth patrimòni naturau e a preservar es valors naturaus e païsatgistiques, senon que tanben potenciarà eth desvolopament socioeconomic e sostenible, e un usatge public ordenat.” çò ditz eth comunicat deth Conselh Generau d’Aran que tanben arregraís er engatjament dera òbra sociau dera banca catalana.
FM
Era aportacion dera entitat que vierà a trauèrs d’Obra Social “La Caixa”, era fondacion dera banca entà finalitats sociaus, e que contribuirà a apraiar paviments, trams de camins de montanha, e pònts, segontes informèc agèr dimars eth Conselh Generau d’Aran en un comunicat.
Es camins mès damatjadi que son es tres principaus accèssi toristics: es vals des arrius Aiguamòg, Valarties e Joeu a on era Artiga de Lin e ei un des punts mès visitadi deth país.
“Era restauracion d’aguesta zòna non sonque contribuirà a restablir eth patrimòni naturau e a preservar es valors naturaus e païsatgistiques, senon que tanben potenciarà eth desvolopament socioeconomic e sostenible, e un usatge public ordenat.” çò ditz eth comunicat deth Conselh Generau d’Aran que tanben arregraís er engatjament dera òbra sociau dera banca catalana.
FM
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
Hèra mercés La Caixa !
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari