Actualitats
“Poiriá èsser, Manuel Valls, lo menaire venent de França?”, çò se demanda lo Washington Post
Un editorialista del jornal estatsunidenc ne soslinha la bona avaloracion dels ciutadans e lo qualifica coma “lo Tony Blair francés”
Per Jim Hoagland, editorialista del jornal estatsunidenc Washington Post, lo ministre de l’Interior francés, Manuel Valls, a de qualitats per venir lo primièr ministre de França.
“Poiriá èsser, Manuel Valls, lo menaire venent de França?”, çò se demanda Hoagland, que lo compara amb Tony Blair: “a la meteissa determinacion e energia e cèrca lo meteis consens amb lo centre que permetèron a Blair de venir primièr ministre del Reialme Unit en 1997.” E apond: “quand Hollande cercarà un primièr ministre après aperaquí un an, Valls deuriá aparéisser ennaut de la lista”.
Jim Hoagland remembra tanben dins son article un sondatge de junh que plaçava lo politician d’origina catalana coma lo mai popular de l’estat pel fach de “dire çò que pensa”. D’efièch, en un sondatge de Paris Match-Ifop del mes passat, Manuel Valls recebèt 62% d’opinions positivas.
Lo vejaire d’Hoagland se basa principalament sus una entrevista qu’el faguèt amb l’actual ministre de l’Interior socialista sus l’islam e França: “Valls es dispausat en tot moment a se cremar los dets quand ditz que França a de besonh d’un islam mai tolerant, e retira pas la man subitament quand lo debat s’enflama”.
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
Seriá plan logic per un Sarkozy d'esquèrra : meteis «dinamisme», ministre de l'Interior plan «conscienciós»… meteis percors ?
Anam plan rire en 2017, amb un cap d'aficha «Valls/Copé/Le Pen»…
Nooooooooooooo, si us plau!!!!!!
M. Valls es al mens tant a esquèrra coma Zapatero o Papandrèu, benlèu ben tant a esquèrra coma T. Blair. Tant val dire que, jacobin o pas, xenofòb o pas, Valls constituís una insulta a la democracia (una de mai !) en se disent "socialista". Los esquerristas que seràn pro ninòis per votar per un liberal coma aqueste son cap e tot inconscients.
Aixo si, no m'agrada gens ni mica aquest català que renega dels seus origens, jacobi francès i franc- maço.
Un patriota català
Visca Catalunya lliure
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari