Las lengas autoctònas dels Estats Units ganhan en visibilitat sus la senhaletica. Segon lo Diari de la Llengua, que cita l’agéncia Associated Press (AP), qualques estats, coma Massachusetts, Wisconsin, Minnesòta, Nòva York, Connecticut, lo Nòu Mexic e Ohio, an installat de panèls bilíngües en anglés e la lenga autoctòna locala.

Aquò es mai que mai la consequéncia de la pression exercida per qualques comunautats indigènas dels Estats Units. Per exemple, AP rapòrta l’istòria de Sage Brook Carbone, que, fa qualques ans, quand participava a una assemblada de pòbles indigènas dins la resèrva de l’oèst de Pequot, en Connecticut, remarquèt que i aviá aquí de panèls en mohegan-pequot e, alavetz, demandèt la preséncia de la lenga massachusett sus la senhaletica de l’airal ont abitava lo pòble Massachusett abans la colonizacion europèa. La proposicion foguèt aprovada e a l’ora d’ara i una setantena de panèls en aquela lenga dins l’actual estat de Massachusetts.

Aqueles esfòrces van mai luènh que la visibilitat lingüistica, pr’amor que, se los defensors d’aquelas iniciativas asseguran que la senhalizacion bilingua resolverà pas los problèmas dels pòbles autoctòns, es ça que la un ponch de partença per reviudar lors lengas e endraiar un debat sul drech de las tèrras, sus la discriminacion dels pòbles autoctòns e sus lor representacion politica.

A few years back, Sage Brook Carbone was attending a powwow at the Mashantucket Western Pequot reservation in Connecticut when she noticed signs in the Pequot language. https://t.co/xzD9V1Myf6

— The Washington Times (@WashTimes) December 20, 2023

#FPWorld: Sage Brook Carbone was attending a powwow at the Mashantucket Western Pequot reserve in Connecticut a few years ago when she discovered signs in the Pequot languagehttps://t.co/rLkMhv6jf5

— Firstpost (@firstpost) December 20, 2023