Ua tradicion aranesa deth prumèr dia der an que son “es aninòs”. Pendent aguest dia, quan dues persones se tròben, se saluden en tot díder “Bon jorn des aninòs!”. Eth prumèr a dide’c qu’a dret qu’er aute e li convide a quauquarren. 
Tradicionaument, eth prumèr dia der an qu’ère fòrça concorrut pes carrèrs e pes cases dera Val d’Aran. Era mainadèra qu’anaue a vesitar as sòns pairins entà desirar-les qu’auessen ua bona annada en tot recitar era cançoneta:

“Bon dia e bon an,
e aninòs vos demanam
peth maitin de Cap d’An.”

Alavetz, eth pairin o era mairia que responie en tot pagar es estrenes ath hilhò. Ei per açò qu’eth mot “aninò” s’emplegue actuaument coma sinonim d’estrena ath delà de denominar era hèsta. Era origina, segon Joan Coromines, la trapam ena paraula latina “Dies anni novi” (dia der an nau).
 
E adès que vos auem desirat un “bon jorn des aninòs”, podetz hèr-vos sòcis des Amics de Jornalet, o ajudar-mos en tot hèr un don; o mès encara, sostier eth podcast País Invisible per miei dera plataforma catalana de patronatge L’Aixeta.

Erós 2024!

FM