“Lo bordièr se palfiquèt. Las vacas l’agachavan fixament. Dins la nuèit, un can jaupèt.”... Escrivètz la seguida. Los bibliotecaris del Lector de la Val (associacion de las bibliotècas de Lauragués) organizan lo concors de novèlas, dobèrt a totes e a gratis, fins a l’8 de febrièr de 2024.

Lo concors compren quatre categorias: “primari”, “segondari”, “licèus” e “adultes”. Lo tèxt deu necessariament començar amb la frasa çai-sus e deu pas far mai de 12 000 signes. Lo genre demòra liure: fantastic, policièr, sciéncia-ficcion, istoric, romanesc, aventura, etc., o pas brica de genre que siá. Totas las variantas de la lenga d’òc son benvengudas, baste que lo participant passe l’incipit dins sa varianta pròpria.

Se pòt tanben participar en francés, a partir de la frasa: “Le fermier se figea sur place. Les vaches le regardaient fixement. Dans la nuit, un chien aboya”.

La remesa dels prèmis se tendrà lo 1r de junh de 2024 a la mediatèca de Rebiga (Lauragués) e las rejonchas de novèlas se deurián remetre als autors en octòbre de 2024. Un CD àudio dels melhors tèxtes occitans serà fargat en mai de l’edicion del libre.

Òm se pòt inscriure en linha sus aqueste ligam. Lo reglament complet es disponible sul sit web l’associacion e dins sas 25 bibliotècas. Tanben se pòt demandar per e-mail a info@lecteurduval...