L’escrivan occitan Cristian Chaumont nos quitèt lo 24 de decembre passat a 86 ans, çò rapòrta lo Partit de la Nacion Occitana. Nasquèt a Masamet en 1937 dins una familha occitanofòna; sos aujòls pairals, masametòls, èran davalats de la Montanha Negra del temps que los mairals èran de Lauragués. Totes parlavan gaireben pas que l’occitan.

Après aver trabalhat un temps en Carcin, s’installèt definitivament a Narbona, venent un fervorós animator del cercle occitan local. Pasmens, es son engenh d'escrivan que lo destria particularament. E mai comencèsse tardièrament de publicar, Chaumont daissa un eiretatge literari significatiu amb sèt romans dont Roges Nivolasses (IEO-IDECO – Puèg-Laurenç -81- ), Recapte Ultim (IEO Lengadòc- Besièrs -34-) , Autan Negre (IEO Lengadòc).

En junh de 2017, publiquèt un conte dins las paginas de Jornalet.