Un haka foguèt la primièra intervencion de la deputada maòri Hana-Rawhiti Maipi-Clarke al parlament de la Nòva Zelanda. Aquela accion sens precedent, qu’a atracha l’atencion internacionala, foguèt seguida d’un discors combatiu que denonciava l’ofensiva conservatritz contra los maòris, lor tèrra, lors quartièrs e lor lenga.

Hana-Rawhiti Maipi-Clarke aperten al Partit Maòri e, dins sos 21 ans, es lo deputat mai jove dels darrièrs 170 ans. Se declara “gardiana de la lenga e las tradicions maòris” e fa solament dos meses qu’es al parlament neozelandés. Ça que la, son ascendéncia politica remonta a son rèire-rèire-grand que foguèt primièr ministre maòri en 1872.

Après lo cambiament que l’a patit la Nòva Zelanda dempuèi la fin de novembre, amb l’arribada de la drecha al govèrn, s’es desmantelat las politicas progressistas, las restriccions al tabac e los dreches del pòble maòri, que sos membres manifèstan per milièrs per tot lo país.

Es aital que, fàcia a la menaça d’elimilar los acòrdis istorics amb los maòris, Maipi-Clarke se presenta coma la votz de la resisténcia de sa nacion e a promés de combatre “la retorica racista e d’evitar una reculada de 180 ans per son pòble”.