Actualitats
Torna la Dictada Occitana per sa 26a edicion
L’eveniment se tendrà lo 27 de genièr dins 38 vilas d’Occitània e mai dels Païses Catalans
La Dictada Occitana festeja ongan son 26n anniversari amb mai de vam que jamai. L’eveniment se tendrà lo 27 de genièr dins 38 vilas d'Occitània e mai dels Païses Catalans.
La Dictada Occitana nasquèt a Castras en 1998. Es una espròva d'ortografia qu’a crescut exponencialament e que cèrca de donar de prestigi a la lenga occitana. Inicialament aquel eveniment èra concebut coma l’escasença dels locutors natius de s’iniciar a l’escritura de la lenga que sabián sonque parlar, e ara es venguda una celebracion annadièra.
L’eveniment es dobèrt a totes e se realiza simultanèament en divèrsas localitats. Lo procediment es simple: los participants devon escriure un tèxt legit lo meteis jorn a la meteissa ora e ganhan los que fan mens d’errors ortograficas.
A l’entorn de la dictada, dins la majoritat de las vilas ont se fa, auràn luòc plusors activitats coma de musica, de balètis, de teatre, de conferéncias, etc.
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
E a Paris ? S 'i fa ongan ? Balhas-me l'informacion se qualqu'un la ten...
Ujan, en, Lemosin, la dictada occitana se farà coma chada annada au collègi d'a Selhac, lo dissabte 27 de 10oras a miegjorn.
Dictada occitana Albi:
Dimarç 16, al matin ( 9 h)- Sala Pratgraussals
3 nivèls : pichonèls (escolans), jovenòts( collegians), adults...amb la participacion dels dròlles de calandreta, de las classas bilingues de l'ensenhament public de l'entorn.
organisada pel Centre cultural occitan de l'Albigés : centre-occitan-rochegude@orange.fr
A Tolosa, la Dictada serà seguida d'un eveniment fòrça culturau: la tastada de còca deus Reis! Ostal d'Occitània, 9h30 dictada, 11h còca. Inscripcion obligatòria (per la dictada, non pas per la còca) a: cors@ieo31.com.
La Dictada de l'IEO 83 se farà en sala Joan Molin de Carnolas.
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari