Actualitats
Lo govèrn de las Illas Balearas en guèrra contra los ensenhaires
De licenciaments e de demissions de professors que refusan d’aplicar lo decret contra lo catalan. Se prevei una cauma per la rintrada
I a de licenciaments e de demissions a las Illas Balearas a causa de las decisions del govèrn autonomic. Los ensenhaires refusan d’aplicar lo nòu decret sus las lengas que rebaissa fòrça l’usatge del catalan e ne prepausa una grafia secessionista. Segon d’informacions de l’Òbra Culturala Baleara a Vilaweb, es problable que i aja encara mai de licenciaments e de demissions. Al delà, los ensenhaires son de mai en mai partisans de començar una cauma indefinida lo 13 de setembre, jorn de la rintrada. Lo president del govèrn autonomic “vòl injectar la paur entre lo professorat”, çò disiá Maria Antònia Font, pòrtavotz del sindicat STEI.
A l’ora d’ara an licenciat tres directors de tres licèus a Maon (Menòrca) “per desobesissença dobèrta als òrdres o instruccions d’un superior”, e los conselhs directius de dos licèus a Andratx e Inca (Malhòrca) an demissionat en protèsta.
De desenats de centres escolars an refusat d’aplicar lo nòu decret e an aprovat de projèctes educatius alternatius que mantenon lo catalan coma lenga veïculara dins l’educacion.
D’accions de solidaritat amb los ensenhaires de las illas se son debanadas per totes los Païses Catalans.
A l’ora d’ara an licenciat tres directors de tres licèus a Maon (Menòrca) “per desobesissença dobèrta als òrdres o instruccions d’un superior”, e los conselhs directius de dos licèus a Andratx e Inca (Malhòrca) an demissionat en protèsta.
De desenats de centres escolars an refusat d’aplicar lo nòu decret e an aprovat de projèctes educatius alternatius que mantenon lo catalan coma lenga veïculara dins l’educacion.
D’accions de solidaritat amb los ensenhaires de las illas se son debanadas per totes los Païses Catalans.
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
#4 Non, ne'n soi pas capable.
#3 Argumentar, mostrar, informar non es pas exactament far propaganda. Mas sètz capable de far la diferéncia ?
#2 Ètz capable de préner la paraula shens har propaganda academistica ?
#1 Non pas "incredible", mas "expansionista ispanista" en tèrra catalana, "alla francese", qué….
E remarcaretz, s'o volètz plan veire, qu'aqueste procediment consistís :
1) a relativisar la plaça del catalan coma lenga ensenhanta — coma en seccion bilenga de l'educacion nacinal(ist)a francesa.
2) segond punt fòrça edificant per nosautres, consistís a dividir l'unitat del catalan general escrit en catalan, majorquin, valencian, e non sabi qué mai encara, çò que retipa plan fisèlament lo projècte del Congrès Permanent quora prepausa cinq o sèt biaisses d'occitan localistas.
Los Catalans fan un grand pòble e s'i daissaràn pas colhonar. Per contre, quora s'agís de nosautres…
Incredible...
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari