Actualitats
Lo primièr bilionari de l’istòria poiriá aparéisser abans dètz ans
Un rapòrt sus las inegalitats soslinha que las cinc personas mai ricas del Mond an gaireben multiplicat per dos lor patrimòni del temps que los paures se son empaurits
Tèxte legit
Segon un rapòrt publicat per l'ONG Oxfam International, se las actualas tendéncias devèrs la pojada de las inegalitats se mantenon, poiriá aparéisser dins los dètz ans avenidors lo primièr bilionari[1] de l'istòria, çò rapòrta The Washington Post. Lo rapòrt remarca un escart totjorn que mai grand entre los mai rics e los mai paures del Mond, e s’es publicat al meteis moment que lo Forum Economic Mondial a Davos.
Dempuèi 2019, las cinc personas pus ricas del Mond an gaireben multiplicat per dos lor patrimòni: se, fa quatre ans, avián entre totes 453 miliards de dolars, a la fin de 2023 n’an 869, segon de donadas de Forbes. Aquel grop compren de noms coma Elon Musk, Bernard Arnault, Jeff Bezos, Larry Ellison e Warren Buffett. Amb aquela trajectòria de creissença, Musk poiriá venir lo primièr bilionari en mens de nòu ans, segon los autors del rapòrt.
Lo rapòrt soslinha que la vida vidanta dels pus paures del Mond es de mai en mai malaisida dempuèi 2019 a causa de l’aument de las guèrras, l’agravacion de la crisi climatica e l'aument del còst de vida. A l’escala mondiala, los òmes possedisson un patrimòni combinat de 105 miliards de dolars de mai que las femnas, segon l'estudi.
Oxfam sollicita dels govèrns de tota la planeta d’impausar de limits als salaris dels presidents de las entrepresas e d’establir d'impòstes permanents sul patrimòni e los beneficis extraordinaris coma mesuras per tractar aquela inegalitat creissenta.
[1] Un bilionari es qualqu’un d’un patrimòni de mila miliards o d’un milion de milions de dolars, un concèpte qu’en anglés li dison “trillonaire” mas “billionnaire” en francés.
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
Que vai far Raminagrobis, aquela secta pauç nombrosa mas plan fortunade?
Ben, vai se presentar coma lo salvador. Si son paubres qu'emigran vers los pais riches.
L'imigracioin servira a destabilisar las populacions qu'acuelhan. Raminagrobis Vai agravar la paubretat dins aqueus pais en vendant sos vaccins, sos medicaments chimicas que son una mana per ilh. Vai depossedar los pais paubres de lòrs resourças vivrieras emben lo developpement de las multinacionalas que van importat çò que lo pais porria produire. Vai inventar de las novelas malaudias, vai offrir sos produchs mens chars a lo qu'es obligeat d'apchatar. Es lo mestre de la tecnologia, dau comerci, daus medias e daus politics. Aitau pòd se presentar en tant que salvador mas son plan es pervers.
Vai mesme se nurir de l'argent de las associacions que se disan umanitaris o charitables que degun verfia ente vai l'argent d'aquelas associcions.
Lo consomator es rei; a lo dreit d'aver los melhors produchs dau monde, los que son fabricats per lo biais de la recercha, de la comercialisacion que dependen de Raminagrobis.
Las guerras son controladas per Raminagrobis e los governaments daus pais devan obeir.
E França dins tot aquò? pais paubre, pais en chamin de developament o de regression?
Oc, es temps de drubir l'uelh e lo bon!
Enfin una bona novèla.
Caldriá pas qu'aquel mond, dempuèi que Jupiter diguèt que cada jove cal que somie de venir milionari, se sentiguèsson desclassats, pecaire!
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari