Diluns d’après-miègjorn, una centena d’agricultors ocupavan l’RN20 près de Pàmias per exprimir lor colèra. Pasmens, dimars cap a 5h45, una auto dalhèt tragicament una familha presenta sus un barratge, entrainant la mòrt immediata de la maire, Alexandra Sonac, de 35 ans, çò rapòrta Le Monde. Son marit, Jean-Michel, es grèvament nafrat, e lor filha de 12 ans defuntèt mai tard dins la serada. L’agricultritz abalissiá amb son marit de vacas lachièras e cultivava de milh dins lo vilatge de Sant Felitz de Tornagat (País de Pàmias).

Los ocupants de l’auto, un òme e doas femnas, son en gàrdia a vista per “omicidi involontari agravat e nafras agravadas”.

L’accident a exacerbadas las tensions, ja pro fòrtas, e de novèlas manifestacions son previstas dins tot lo país. Crenhent de repercussions negativas sus l’agricultura, los agricultors demandan de compensacions a las mesuras environamentalas impausadas per l’Union Europèa.

🔴 Le mari d'Alexandra Sonac, seul survivant parmi les trois victimes de l'accident, n'aura pas droit à un arrêt de travail. Il faut pourtant que l'exploitation continue à tourner pour vivre... Une cagnotte a donc été lancée en soutien :https://t.co/Kq31G8x1kO

— Amaury Bucco (@AmauryBucco) January 24, 2024