capçalera campanha

Actualitats

InternacionalPoliticaSocietat

Una acusacion d’espionatge contra l’independentisme catalan esposca un èx-director de las doanas francesas

Lo naut responsable de las doanas, qu’auriá trabalhat pels servicis secrets espanhòls contra l’independentisme catalan, a demandada la retirada anticipada mentre que i a de grèvas acusacions d’espionatge

Una acusacion d’espionatge contra l’independentisme catalan esposca un ex-director de las doanas francesas
Una acusacion d’espionatge contra l’independentisme catalan esposca un ex-director de las doanas francesas | France Télévisions

L’èx-director de doanas de la region dicha Occitània, Jean-Michel Pillon, qu'es estat acusat d’aver collaborat amb los servicis secrets espanhòls per afeblir los independentistas catalans, s’es retirat per anticipacion, çò rapòrta La Dépêche du Midi. En carga dempuèi 2017, aviá previst d’exercir fins al 30 d'abril, mas a causit de demissionar abans lo tèrme previst. E mai encara figure dins l’organigrama oficial, fa mai d’una setmana qu’ocupa pas pus sas foncions.

Aquela retirada d’avança coincidís amb una investigacion intèrna dobèrta que vòl examinar las denóncias formuladas dins la premsa catalana, segon la Direccion Generala de las Doanas. Se sospiècha que Pillon s’es volgut desliurar de sas atribucions a causa de las revelacions fachas lo passat diluns pels mèdias catalans La Vanguardia e la ràdio Rac1. Aqueles mèdias afirman que Jean-Michel Pillon auriá trabalhat entre 2012 e 2015 per la "polícia patriotica" espanhòla, amb una retribucion de 50 000 èuros. En 2014, a la demanda d'un comissari espanhòl, Pillon auriá escrich un rapòrt de 31 paginas per acusar l'ex-cònsol màger independentista de Barcelona, Xavier Trias, d'aver près de 13 milions d'èuros sus un compte en Soïssa. Aquel document se seriá difusat dins la premsa conservatritz, en afectant aital las eleccions municipalas. Sembla qu’aurián demandat tanben a Pillon de verificar se los catalans apareissián sus la lista Falciani, un document secret que conten los noms de 9000 fraudaires. Pillon a refusat de partejar sa version amb Rac1 e La Dépêche du Midi.

Davant aquel escàndol, la Direccion Generala de las Doanas a confirmada la dobertura d'una investigacion intèrna, e mai aquesta enquista implique pas necessàriament l'intervencion del poder judiciari, segon una font de l’entorn de las doanas.

 

 

 

 

 

Etiquetas

Articles relacionats

Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.

Bandièra05 1180x150: SIDILLÀ

Comentaris

Pitèas
1.

Isabel Diaz Ayuso, la presidenta neo-franquista de la region de Madrid o diguèt: Tot val per manténer "l'unitat" d'Espanha. En allusion clara a la delinquéncia d'Estat contra basques e catalans.
Los montatges contra los dirigents catalans son tant mai escandaloses qu'un brave molon de dirigents del PP son enfangats dins d'escandals plan reals e plan mai grèus qu'aqueles, inventats eles. Lo quite fraire d'Ayuso es implicat dins d'argent panat a la region de Madrid. Mas los jutges viran lo cap de l'autre costat.
Ara, qu'un naut dirigent de las doanas siá complici d'aquesta delinquéncia fa un còp de mai la demostracion del capborditge del jacobinisme francés.

  • 4
  • 0

Escriu un comentari sus aqueste article