Actualitats
La cançon Fuòc en gàbia empòrta lo Prèmi de la Cançon Occitana 2024
La cantadora de rock tolosana presenta una cançon plena d’energia qu’encoratja al combat social
Tèxte legit
La cançon Fuòc en gàbia de la cantadora de rock tolosana Séverine Bonnin a ganhat lo Prèmi de la Cançon Occitana 2024, una cançon plena d’energia qu’encoratja al combat social. La podètz trapar sus YouTube, Spotify e Apple Music e se pòt comandar l’album sul sit de la cantadora o lo trobar a la Tuta d’Òc de Tolosa.
Al començament de decembre, l’agéncia Virasolelh dobriguèt la votacion al public pel Prèmi de la Cançon Occitana. La brava qualitat de las cançons presentadas es una mòstra que la creacion culturala en occitan capita ben.
Los autres laureats
Los autres prèmis de la cançon occitana 2024 son:
Prèmi del melhor album per La meison de Lou Dalfin.
Prèmi del melhor filmòt per Eth Gòi d’Alidé Sans.
Prèmi de l’originalitat per Choc Gazl de Joana d’Aime.
Prèmi de musica tradicionala per Que son aürós de Cocanha.
Prèmi de musica del Mond per Marcho de Cortesia.
Prèmi de la categoria rock per Rise, fall, winter d’Enlòc.
Prèmi de la categoria fòlc per La vida fin finala de Renat Sette e Gianluca Dessì.
Prèmi del melhor tèxt per Coraçon traïdor de Zifsi.
Prèmi de la creacion femenina per Ànima en fèsta de la cantadora niçarda Zine.
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
I a pas cap de comentari
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari