Los vents fòrts son encara al país. Aquel vent, que provoquèt l’anullacion del primièr e del darrièr concèrt de l’Estivada, a fach aquesta dimenjada de damatges en Peiregòrd, mai que mai a las abitacions e a las culturas, sens cap de victima. Qualques 6000 fogals foguèron privats d’electricitat dissabte de matin.
Lo servici d’incendi e de secors del departament de Dordonha calculèt mai de 300 intervencions a causa d’arbres tombats sus vias e camins, a causa de teuladas arrancadas o degalhadas per la granhòla e a causa d’abitacions inondadas.
Un centenat de reparaires de la companhiá d’electricitat ERDF èran sus plaça, ièr dissabte, per tornar l’electricitat als ostals que n’avián pas.
La majoritat dels damatges se son passats al país de La Noalha (Nontronés). Mas un pauc mai a l’èst, a Eissiduelh (Perigòrd Central), lo vent arranquèt la teulada d’un ostal de retirada, mas poguèt èsser cobèrt e calguèt pas evacuar los pensionaris. A Sant Medard d’Eissiduelh las copolas d’aeracion de l’usina Repetto esclatèron en provocant d’escolaments d’aiga dins los talhièrs.
Los auratges violents an tocat tanben lo nòrd de Gasconha, mas d’un biais mai brèu e localizat. Los pompièrs faguèron un trentenat d’intervencions per de locals inondats. Aquò es pas gaire s’o comparam amb las aperaquí 2000 operacions que se menèron a tèrme en seguida de l’auratge destructiu del 26 de julhet passat. Pasmens, la granhòla a destruch qualques 5 000 ectars de vinhas.
L’alèrta es ja levada.
Lo servici d’incendi e de secors del departament de Dordonha calculèt mai de 300 intervencions a causa d’arbres tombats sus vias e camins, a causa de teuladas arrancadas o degalhadas per la granhòla e a causa d’abitacions inondadas.
Un centenat de reparaires de la companhiá d’electricitat ERDF èran sus plaça, ièr dissabte, per tornar l’electricitat als ostals que n’avián pas.
La majoritat dels damatges se son passats al país de La Noalha (Nontronés). Mas un pauc mai a l’èst, a Eissiduelh (Perigòrd Central), lo vent arranquèt la teulada d’un ostal de retirada, mas poguèt èsser cobèrt e calguèt pas evacuar los pensionaris. A Sant Medard d’Eissiduelh las copolas d’aeracion de l’usina Repetto esclatèron en provocant d’escolaments d’aiga dins los talhièrs.
Los auratges violents an tocat tanben lo nòrd de Gasconha, mas d’un biais mai brèu e localizat. Los pompièrs faguèron un trentenat d’intervencions per de locals inondats. Aquò es pas gaire s’o comparam amb las aperaquí 2000 operacions que se menèron a tèrme en seguida de l’auratge destructiu del 26 de julhet passat. Pasmens, la granhòla a destruch qualques 5 000 ectars de vinhas.
L’alèrta es ja levada.
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
#1
dins lo Dicod'òc, sul site del Congrès se troba :
- granissa o pèira en lengadocian
- grèla o peirada en gascon
- grela o granhola en provençal
coralament
#1 Legissètz lo Jornalet sonque per repotegar
la granhola ? qu'eis aquo ? me sembla que lo mot granissa es lo mot adequat , pedegrar , granissar, donat pèr Cantalausa. en provençau, avèm ,ren que la grela e se ditz fai o tomba de grela e un gros grum de grela es ço qu'en francés li dien un grelon; me sembla que granissa ei pereu català
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari