La val d’Ubaia es confrontada a un risc d’isolament a causa de la fragilitat de sa rota, afectada per d’embodenaments deguts a las fòrtas pluèjas dins lo sud dels Alps, çò rapòrtaTF1. Los degalhs sus la rota departamentala 900, principal accès a la valada, an obligat a una intervencion d’urgéncia per evitar una deterioracion suplementària. La presidenta del conselh departamental dels Alps de Nauta Provença, Éliane Barreille, a explicat la reduccion del trafec, sustot dels peses pesucs, per estabilizar la calçada. Aquò a entraïnat de perturbacions economicas amb l’incapacitat dels camions de liurason de circular, afectant los comèrcis locals. Los estudis en cors estiman lo còst de las òbras a 15 milions d’èuros per remediar als degalhs sus la rota e a lors consequéncias sus la vida vidanta e las activitats comercialas de la region.