Una anecdòta simpatica de las protèstas dels agricultors d’aquestes jorns se visquèt dijòus passat en Esterèu, al peatge del Capítol sus l’A8 entre lo Putget d’Argenç e Frejús, ont los manifestants ofrissián un veirat de vin rosat de Flassan als conductors jos l’agach dels gendarmas. La sequéncia enregistrada pel jornalista Philippe Arnassan de Var-Matin a obtengut sus X (ancianament Twitter) environ tres milions de vistas.

Lo quite Arnassan rapòrta sus Nice-Matin que, mentre que cèrts automobilistas acceptavan lo gèst amb plaser, d’autres i respondián amb umor en demandant se podián passar mai d’un còp. Los agricultors, provesits d'un cube de vin rosat, ne versavan generosament dins de gòts, explicant que los veirats èran destinats als passatgièrs e que qualques gotas podián pas despassar lo limit d'alcolemia.

La scèna foguèt interrompuda qualques minutas pus tard per un gendarma que remembrava als païsans la necessitat d'ofrir pas d'alcòl als menaires, quitament a 10h40 del matin. Ça que la, l'incident a suscitat una èrsa de reaccions e de comentaris suls rets socialas.

Lo vidèo obtenguèt mai de 2,6 milions de vistas en un sol jorn. Tanben foguèt plan viral un autre vidèo del meteis jornalista que mostrava una corsa improvisada de petits tractors a aquel meteis peatge quand l’autoestrada èra barrada.

Après le mimosa et les pommes, les agriculteurs distribuent du rosé aux conducteurs impactés par le barrage filtrant du péage du Capitou en direction d'Aix-en-Provence. Dans l'autre sens, la barrière est bloquée depuis mercredi et l'A8 est coupée. (Vidéo Philippe Arnassan) pic.twitter.com/sMsMZOLJxz

— Var-matin (@Var_Matin) February 1, 2024

Alors que les agriculteurs bloquent ce jeudi le péage du Capitou dans le Var, une course de mini-tracteurs a été organisée dans une ambiance joviale. L'autoroute A8 est toujours coupée à ce niveau en direction de Nice. (Vidéo Philippe Arnassan) #AgriculteursEnColerepic.twitter.com/qcbeUnQ6Gr

— Var-matin (@Var_Matin) February 1, 2024