Actualitats
Eth president dera Generalitat de Catalonha qu’a visitat Aran entà interessar-se peth retorn deth país ara normalitat
Mas qu’a profitat era preséncia des mèdias entà denonçar er escanament economic d’Espanha a Catalonha
Era Val d’Aran qu’acuelhie ager dissabte era visita deth president dera Generalitat de Catalonha, Artur Mas, que visitèc eth país entà “interessar-se personalaments pes accions que s’amien a tèrme entà retornar era zòna ara normalitat”. Eth president que visitèc Aran Park, eth parc de fauna autoctòna plaçat en bòsc deth Portilhon de Bossòst, a on es animaus e viuen en semilibertat.
Eth president e sa hemna que siguèren acompanhadi peth Sindic d’Aran, Carlos Barrera, e per representants deth govèrn aranés e der Ajuntament de Bossòst.
En conseqüéncia des aiguats qu’afectèren Aran, Comenge e Bigòrra eth 18 de junh passat, eth govèrn dera Generalitat de Catalonha qu’aprovèc era declaracion d’Aran coma zòna d’emergéncia. Eth govèrn catalan qu’a destinat 5,2 milions d’èuros ar apariament des camins e des carretères damatjades, e 900 000 èuros entad autes despenses d’emergéncia.
“Injustícia flagranta” d’Espanha damb Catalonha
D’Aran estant, Artur Mas que planhèc er objectiu de deficit deth fisc espanhòu damb Catalonha. “Era gent de Catalonha a de saber que per colpa d’aqueth deficit eth govèrn espanhòu mos obligue a hèr mès retalhades en sanitat, ensenhament e servicis sociaus”, çò declarèc Mas as mèdias de comunicacion.
De hèt, dimèrcles passat, er estat espanhòu que comuniquèc es objectius de deficit qu’impòse as comunitats autonòmes. Er imposat a Catalonha qu’ei de 1,58%, çò que represente un escanament economic entath país catalan, e de rebuc, entà Aran.
Artur Mas qu’auie ja avertit que tot objectiu de deficit inferior a 1,8% be serie insufisent e, donques, que poderie hèr qu’eth govèrn catalan e deishèsse passar 2013 damb es pressupòsti de 2012 prorogadi. Ça que la, era decision finau la prenerà eth govèrn dera Generalitat en ua reünion extraordinària dimars que ven.
FM
Eth president e sa hemna que siguèren acompanhadi peth Sindic d’Aran, Carlos Barrera, e per representants deth govèrn aranés e der Ajuntament de Bossòst.
En conseqüéncia des aiguats qu’afectèren Aran, Comenge e Bigòrra eth 18 de junh passat, eth govèrn dera Generalitat de Catalonha qu’aprovèc era declaracion d’Aran coma zòna d’emergéncia. Eth govèrn catalan qu’a destinat 5,2 milions d’èuros ar apariament des camins e des carretères damatjades, e 900 000 èuros entad autes despenses d’emergéncia.
“Injustícia flagranta” d’Espanha damb Catalonha
D’Aran estant, Artur Mas que planhèc er objectiu de deficit deth fisc espanhòu damb Catalonha. “Era gent de Catalonha a de saber que per colpa d’aqueth deficit eth govèrn espanhòu mos obligue a hèr mès retalhades en sanitat, ensenhament e servicis sociaus”, çò declarèc Mas as mèdias de comunicacion.
De hèt, dimèrcles passat, er estat espanhòu que comuniquèc es objectius de deficit qu’impòse as comunitats autonòmes. Er imposat a Catalonha qu’ei de 1,58%, çò que represente un escanament economic entath país catalan, e de rebuc, entà Aran.
Artur Mas qu’auie ja avertit que tot objectiu de deficit inferior a 1,8% be serie insufisent e, donques, que poderie hèr qu’eth govèrn catalan e deishèsse passar 2013 damb es pressupòsti de 2012 prorogadi. Ça que la, era decision finau la prenerà eth govèrn dera Generalitat en ua reünion extraordinària dimars que ven.
FM
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
I a pas cap de comentari
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari