Victòria pels opausants al gòlf XXL a Fontians de Cabardés; lo prefècte del departament d’Aude, Christian Pouget, a refusat lo projècte per preservar l’aiga, çò rapòrta Libération. Lo projècte de Catherine Lacoste, estimat a 170 milions d'euros, compreniá un gòlf de nivèl internacional, un club house, una ostalariá-restaurant 4 estelas, 45 bastidas, 50 apartaments, de lotjaments pel personal, e una estacion d’espurgament.

Lo prefècte diguèt qu’èra fòra de question de sosténer un tal projècte, en soslinhant son incoeréncia amb la preservacion de la ressorsa d’aiga en Montanha Negra. L'associacion Montanha Negra Avenidor (MNA) celèbra una "victòria politica", e remarca lo revirament de l'Estat que, fins ara, sosteniá lo projècte.

Ara, après l'oposicion del prefècte al projècte, MNA soslinha la manca d'informacions pels abitants sus las consequéncias financièras e recòrda sa dobertura a collaborar amb la comuna. “Sabèm pas res de la question de la penalitat de 300 èuros per jorn que la riscariá la comuna se lo projècte se fasiá pas”, çò ditz lo pòrtavotz de l’associacion, segon La Dépêche.

Mas la municipalitat demòra silenciosa e los prepauses del cònsol màger daissan pauc d'espèr a de collaboracions. Lo projècte de la sala polivalenta es estat abandonat a causa dels còstes juridics. La societat Telcapi, portaira del projècte, es tanplan muda. La cambra de comèrci d'Aude indica que lo burèu d'estudis de Telcapi a pas fach a l’ora d’ara cap de comentari, mas qu’una reünion amb los dirigents es prevista dins los jorns avenidors.

Victoire décisive contre le projet de #Golf#Lacoste à Fontiers-Cabardès (#Aude#Occitanie). Notre communiqué : https://t.co/rESUkAw74Bpic.twitter.com/hbIbdk3HT9

— Montagne Noire Avenir / contre le golf (@mnacabardes) January 18, 2024

Le préfet de l’Aude s’oppose à un méga-projet de golf et hôtel de luxe pour préserver l’eau. Une victoire importante pour les habitants qui s’y opposent depuis 13 ans. @mnacabardeshttps://t.co/MkysC3WOnr

— La Relève & La Peste (@LaReleveLaPeste) January 25, 2024