Actualitats
Japon a lançat dins l’espaci lo primièr robòt que parla
Kirobo arribarà a l’Estacion Espaciala Internacionala per parlar als astronautas
Kirobo, un robòt astronauta que parla japonés, s’envolèt ièr cap a l’Estacion Espaciala Internacionala per téner companhiá de l’astronauta Koichi Wakata e per participar a l’Expedicion 38 venenta. L’androïde, que remembra lo mitic Astro Boy, es estat dessenhat per Toyota, l’Universitat de Tòquio, l’Agéncia Japonesa d’Exploracion Aerospaciala e lo grop Dentsu, amb la tòca de comunicar amb los astronautas e d’evitar lor isolament social pendent los sojorns espacials.
Lo robòt pesa gaireben un quilo e mesura 34 centimètres, a la capacitat de reconéisser e de tractar la votz umana e dispausa d’una camèra de reconeissença faciala.
Partiguèt del Centre Espacial de Tanegashima e viatgèt vèrs la nau Kounotori-4. Es la primièra experiéncia de convèrsa entre una persona e un robòt dins l’espaci.
Lo robòt pesa gaireben un quilo e mesura 34 centimètres, a la capacitat de reconéisser e de tractar la votz umana e dispausa d’una camèra de reconeissença faciala.
Partiguèt del Centre Espacial de Tanegashima e viatgèt vèrs la nau Kounotori-4. Es la primièra experiéncia de convèrsa entre una persona e un robòt dins l’espaci.
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
I a pas cap de comentari
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari