D’analisis recentas de las donadas fornidas per la sonda Cassini de la NASA an revelat qu’un ocean d’aiga liquida es amagat jos la jaça de glaç de Mimas, un dels satellits de Saturne, segon un estudi publicat dins la revistaNature.

Après mai de 13 annadas d’estudi del sistèma de Saturne, la sonda Cassini concluguèt sa mission en 2017, fornissent una mina de donadas. Se las primièras observacions de la superfícia glaçada de Mimas revelèron pas cap de signe d’existéncia d’un ocean interior, d’anomalias dins son orbita fasián dobtar los scientifics. Mimas, amb son particular cratèr Herschel, qu’evòca la forma de l’Estela de la Mòrt d’Star Wars, es pas una luna perfièchament esferica, e sas irregularitats orbitalas foguèron lo ponch d’interès que menèt a la descobèrta.

Las simulacions an permés de calcular la prigondor e la talha de l’ocean, que se tròba jos una jaça extèrna de glaç de 20 a 30 quilomètres d’espessor. L’aiga ocupariá una talha equivalenta a la mitat de Mimas. Amb d’aiga liquida en contacte amb lo nuclèu rocassós de la luna, las condicions poirián èsser propícias a la quimia complèxa que condutz a la vida.

Mimas ven la cinquena luna coneguda del Sistèma Solar a abrigar d’oceans. Amb las lunas Encelada e Titan de Saturne e las lunas Euròpa e Ganimèdes de Jupitèr, aquela descobèrta alarguís nòstra compreneson dels còrses glaçats del Sistèma Solar e de lor potencial d’abrigar la vida.

The shifting orbit of one of Saturn’s moons indicates that the satellite has a subsurface ocean, contradicting theories that its interior is entirely solid.

The finding calls for a fresh take on what constitutes an ocean moon https://t.co/48skXNVvR9

— nature (@Nature) February 9, 2024