Las Premsas Universitàrias de Bordèu an presentat lor darrièra colleccion,sonada “Garon@”, amb Katy Bernard e Marie-Anne Châteaureynaud. La novèla colleccion recep lo testimoniatge de la revista Garona, del Centre d’Estudis de las Culturas d’Aquitània e de l’Euròpa del Sud (CECAES) dempuèi sa creacion en 1985 fins a son darrièr numèro publicat per las Premsas Universitàrias de Bordèu en 2008.

La colleccion “Garon@” servarà l’esperit de son predecessor, en se concentrant sus l’occitan (medieval e modèrne), sa literatura e son ensenhament. En mai d’aquò, explorarà los diferents aspèctes de las culturas pròprias de la region administrativa Nòva Aquitània, l’occitan, lo basco e lo peitavin-santongés, per d’apròchis multidisciplinars.

Amb aquela novèla iniciativa, las Premsas Universitarias de Bordèu reafirman lor engatjament en favor de la preservacion e de la difusion del ric patrimòni cultural de la region, en ofrissent una plataforma de debat e d’estudi dels desparièrs aspèctes de l’occitan e de las autras culturas. La colleccion "Garon@" s’anóncia coma una font immancabla pels universitaris, pels estudiants e pels aimadors de cultura que cèrcan d’explorar e de comprene las riquesas de las tradicions lingüisticas e literàrias d’Aquitània e de l’Euròpa del Sud.