A l’escasença de l’edicion annala de la Dictaia Occitana interregionala, es estacha organizaia aquesta annaia la dictaia emb-als escolans dar collègi de l’Escarea.

Li professors interessats avion poscut prepausar als escolans ja aguerrits o motivats de las acadèmias concernias per l’ensenhament de la lenga occitana (Niça, Ais-Marselha, Montpelhier, Tolosa, Bordèu, Lemòtges, Clarmont-Ferrand e Grenòble) de participar a aquesta dictaia. I son agüas egalament de dictaias dins d’autres establiments escolars coma a Mentan, o organizaias per de comunas coma a Pelhon...

Laurenç Revèst, lo professor d’occitan dar collègi, a profechat de l’escasença per presentar lo principi de la Dictaia Occitana que se passa d’a pertot dins l’airal dar sud de l’estat francés e a París mas tanben en Catalonha a Barcelona, e en País Valencian.

Cada annaia, ar mesme periòde s’agisse de metre en valor li corses de lenga d’òc, en l’ocurréncia ar collègi e l’occitan dar país dals Palhons per la mesma escasença en prepausant a d’escolans ja familiarizats emb la lenga dar prèmi Nobel de literatura 1904, l’occitan provençal Frederic Mistral, de participar a aquel eveniment.

Autor en occitan alpenc luceramenc, coma dar tèxt Lo Drac de la fosdisponible sus internet, e coma de recèrcas lingüisticas e istoricas publicaias regularament sus son blòg, M. Bernat Fruchier es estach conviat per l’escasença per Dòna la Principala.

Nòstre conviat, occitanista istoric dals Alps, membre fondaor dar Centre Cultural Occitan País niçard e Alpenc, ancian elegit de Luceram, es egalament actiu dins l’Ostal de País de Luceram e dar Aut Palhon qu’es vicepresident. Collabòra a Jornalet.

Prepara la mesa en plaça dar sieu Centre de Documentacion Lingüistica e Istorica Occitana a Luceram.

Lo tèxt entitolat Lo Drac de la fos es estach presentat e lejut per l’autor. Lis escolans n’an profechat per pausar de questions sus Luceram, lai valaias dals Palhons e l’espaci occitan. E a aquela ocasion a permés de crear un escambi en lenga occitana emb un interlocutor novèl.

Jornalet a una seccion especifica sus l’escòla occitana. Nos agradariá fòrça que las escòlas, que sián de Calandretas o d’escòlas bilingüas, poguèsson emplenar elas meteissas aquesta seccion amb de nòvas, e que los quites escolans las poguèsson redigir en explicar los faches que fan l’actualitat dins cada escòla: una excursion culturala, la vesita d’una personalitat, una fèsta populara amb los parents, una competicion esportiva, etcetèra. Evidentament, las fotografias, los enregistraments o los imatges de vidèo seràn tras que benvenguts, se n’i a.

Se cada escòla nos manda quatre o cinc nòvas per an serem plan contents e satisfaches. Pensam que pòt èsser un bon ponch d’amassada per la comunautat educativa occitana, una iniciativa interessanta pels escolans e un esplech de socializacion lingüistica per las familhas dels escolans.

Esperam de poder comptar amb lo vòstre sosten, e esperam que Jornalet serà una aisina utila per las escòlas occitanas. Mandatz-nos las vòstras nòvas a info@jor…