En Combralha Lemosina, tocant la Nauta Marcha, s’atròba una persona assignada a residéncia dempuèi 25 ans, çò rapòrta Le Monde. S’agís de Garbis Dilge, un delinquent de drech comun armèni de l’estat turc que sa vida al país es un embolh de condemnacions penalas, d’arrestats prefectorals e de decrets administratius amolonats. Ara, un nòu avocat a pres en carga son dorsièr complèxe, çò precisa lo jornal francés dins un retrach redigit per Christophe Ayad.

Dels ans 1999 a 2003, son perimètre autorizat despassava pas tres quilomètres a l'entorn del Buçon (Marcha Lemosina). Ara, dempuèi 12 ans, demòra a Ausança (Combralha Lemosina) e es autorizat a èsser dins un cercle de 35 quilomètres de rai dins un airal amb una densitat de populacion fòrça bassa. Cada còp que vòl sortir d’aquel perimètre, coma per anar a l’espital de Garait, li cal una autorizacion.

Le sort kafkaïen de Garbis Dilge, assigné à résidence dans la Creuse depuis un quart de siècle https://t.co/rZptiF3TzR

— Le Monde (@lemondefr) February 14, 2024