La descobèrta d’excrements del lop GW1909m a Vilaller (Nauta Ribagòrça, Catalonha) en 2023 a permés de documentar lo mai long desplaçament jamai enregistrat per aquel animal, cobrissent una distància totala de 1240 quilomètres. L’individú, un Canis lupus, nasquèt près de Nordhorn (Bassa Saxònia) en 2020, traversèt l’estat francés en 2022, per fin finala èsser localizat a Vilaller en febrièr de 2023. La collaboracion entre d’institucions alemandas, francesas e catalanas dins lo seguiment del lop sul terren e la comparason d’escapolons genetics a permés de descriure son trajècte. Los excrements foguèron descobèrts pel Grop Especial Canin (GEK9) dels Agents Rurals de Catalonha.

Gabriel Lampreave, coordinator del seguit dels lops e dels orses al près dels Agents Rurals, a soslinhat l’aspècte excepcional del viatge d’aquel lop, en notant que s’es desplaçat sus una distància tanben importanta per de païsatges antropizats de l’Euròpa occidentala. Malgrat que la localizacion actuala de l’animal rèste desconeguda, d’analisis geneticas futuras poirián permetre de detectar sa preséncia, aital coma la de sa descendéncia. Lampreave a soslinhat que s’agissiá de la primièra observacion d’un lop non alpenc en Catalonha.

Desplaçaments de longa distància dels lops

Aquela espècia es reputada per sa plasticitat comportamentala e sa capacitat a se dispersar sus de longas distàncias, de còps de centenas de quilomètres. Lo lop GW1909m es un exemple d’aquela plasticitat, ja que percorreguèt 1240 quilomètres dins un païsatge fòrça antropizat.

Lo meteis lop detectat en Catalonha foguèt ja localizat lo 17 de junh de 2022, corrent long d’una rota de la comuna de Fleurey-lès-Faverney (Nauta Sòna, Borgonha). Gràcias a aquel avertiment, un agent de l’Agéncia Francesa per la Biodiversitat (OFB) capitèt a reculhir de pel dins una barradura d’aram espinut a l’endrech ont lo testimòni aviá indicat aver vist lo lop, çò que permetèt de los analisar geneticament. Lo laboratòri de referéncia d’Antagene, encargat de l’analisi genetica dels lops, descobriguèt l’aplotip ADN apelat “w1”, pro inabitual pels lops dins l’estat francés.

Essent qu’aquel individú possedissiá un trach genetic comun en Alemanha e dins las regions adjacentas d’Euròpa centrala e del nòrd-èst, un escapolon s’envièt per analisi crosada al laboratòri de referéncia alemand. La validacion crosada revelèt qu’aquel escapolon correspondiá perfièchament a un mascle nommat GW1909m pels scientifics, ja conegut dins la basa de donadas geneticas alemanda.

De per abans, las distàncias en linha drecha mai longas jamai enregistradas èran de 1092 quilomètres entre Norvègia e Finlàndia en 2007, 880 quilomètres entre Alemanha e Bielorussia en 2009 e 829 quilomètres entre Soïssa e Eslovaquia en 2022-2023.

Lo seguiment del lop en Catalonha

Los lops desapareguèron practicament de Catalonha a la debuta del sègle XX. Dempuèi 2003, aguèron luòc las primièras identificacions, principalament dins la region de la Sèrra del Cadí e de Ripollès. A l’ora d’ara, quatre lops mascles son estats geneticament identificats en Catalonha, totes sortits de la dispersion naturala de la populacion francesa. La gestion dels lops en Catalonha es assegurada per la Direccion Generala de las Politicas Environamentalas e del Mitan Natural del Departament de l’Accion Climatica, de l’Alimentacion e de l’Agenda Rurala, mentre que lo còrs dels Agents Rurals del Departament de l’Interior coordena las accions de seguiment sul terren.

Wolf GW1909m is de kampioen.
Van Duitsland naar Catalonië.
Het vorige record stond op 1092 km, deze maakte er even 1240 km van. Een echte LAW wandelaar. Van belang ivm genetische variatie/voorkomen inteelt. Lesje voor diegenen die de wolf willen beheren.
https://t.co/FENAlmJQJI

— ton kuiper🇭🇺🫎🦬🦌🇺🇦🐖🐖🐖 (@tonintothewild) February 19, 2024

A new record: researchers have verified that the male gray wolf known as GW1909m coming from the northern German municipality of Nordhorn reached the Pyrenees Mountains in northeastern Spain's Catalonia walking 1,240 kilometers away from its birthplace. https://t.co/kpEZoloZXV

— European Alliance for Wolf Conservation (@EuropeforWolves) February 23, 2024