Actualitats
Tula: la 9a edicion del Balad’òc serà dedicada a l’acordeon e a la cabreta
Lo festenal se tendrà los 31 de mai e lo 1r de junh venents amb un programa de tria
Tèxte legit
Lo festenal Balad’òc de Tula a anonciada sa 9a edicion qu’aurà luòc los 31 de mai e lo 1r de junh que venon. L'eveniment metrà endavant lo ric patrimòni material e immaterial del país de Tula e de Lemosin, en dedicant la 9a edicion a l’acordeon e la cabreta. Per tant, ongan l’associacion occitanista locala coorganiza lo festenal amb la futura Ciutat de l'Acordeon e dels Patrimònis, en collaboracion amb la mediatèca intercomunala de Tula.
Lo programa d'aquela edicion comprendrà una varietat d'activitats, talas coma de vesitas de percorses dichas “Memòrias de la Manu”, d’obradors de lenga e cultura de Carcin, Lemosin e Peiregòrd, de seradas de contes, de “nhòrlas” e de cançons.
La Ciutat de l'Acordeon e dels Patrimònis aculhirà tanben un platèl ràdio coordenat per Bram'FM, de conferéncias musicalas amb Auvergnatus, de balètis, de moments de restauracion e plan mai de causas.
Per mai d’informacion consultatz lo sit del festenal e sa cadena YouTube.
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
I a pas cap de comentari
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari