Actualitats
Un movement politic demanda un referendum d'independéncia en Sardenha
Lo grop presenta 27 000 signaturas per que s'organize la consulta
Un movement politic sarde apelat PARIS-Malu Entu a demandat uèi oficialament que s'organize un referendum sus l'independéncia de Sardenha.
Segon AGI.it, lo grop afirma qu'a amassat 27 000 signaturas demandant que se vòte sus aquela question, malgrat que se n’es liurat solament qualques 13 000 davant un tribunal de Castèl. "Lo nòstre destin deu èsser solament decidit per la nòstra determinacion de decidir lo nòstre present e lo nòstre avenir", a dich lo cap del movement, Doddore Meloni, segon LiberoQuotidiano.it.
La peticion arriba solament quatre jorns après que la populacion sarda aja votat favorablament per la redaccion d'un novèl estatut d'autonomia que met a jorn lo tèxt existent de 1948.
PARIS-Malu Entu es un dels dotze partits e movements politics dins lo qual es dividit a l'ora d'ara lo nacionalisme sarde, siá autonomista, siá independentista.
Aqueste article ven del jornal catalan Nationalia.cat, amb qui Jornalet a un acòrdi de cooperacion.
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
Arribarà en Occitània, un jorn ? ò leis occitans seran mòrts avans ?
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari