Un grop de 59 personas de la nacion puksaqtéknékatik, un pòble autoctòn de la Nòva Escòcia, an facha una denóncia collectiva contra dos radiològs canadencs, Robert Miller e Sharon Clarke. Los acusan d’efièch d’aver realizadas de ressonàncias magneticas invasivas sens lor consentiment dins los ans 2017 e 2018, coma part d'un estudi scientific secret sus lors fetges. La cap de la comunautat, Andrea Paul, foguèt triada sens n’èsser assabentada per aquel estudi, realizat separadament après un provament medical consentit dins l’encastre d'un projècte de recèrca medicala.

La denóncia en justícia soslinha qu'aquelas accions remembran la sorna istòria de Canadà que sometèt los indigènas a d’experiéncias non consentidas. Los denonciaires reclaman un desdamatjament, acusan los radiològs d'invasion de lor intimitat, de privacion illegala de libertat e d’autras cargas. La data del jutjament es pas encara determinada.

Aquestes darrièrs ans, Canadà revisa lo tractament dels pòbles originaris e s’es descobèrt d’abuses dont los crudèls e murtrièrs pensionats ont s’internava d’enfants per lor escafar la cultura e las tradicions.