Actualitats
Monsanto a crompat Academi, l’anciana Blackwater
La companhiá multinacionala d’OGM auriá crompat la granda societat privada de milícias e mercenaris
Monsanto, la companhiá multinacionala estatsunidenca dels OGM, auriá crompat en julhet passat l’entrepresa privada de milícias e mercenaris Academi, ancianament coneguda amb lo nom de Blackwater, segon d’informacions de SouthWeb. Pasmens Academi a pas dich qual es lo nòu crompaire de la societat nimai l’argent investit en la crompa.
Segon SouthWeb, la venda d’Academi seguís l’intrada de la Fondacion Bill e Melinda Gates al capital de Monsanto. Aquela fondacion, creada pel cap de Microsoft, se ditz filantropica e es una de las fondacions mai grandas del Mond. Cal dire que la Fondacion Bill e Melinda Gates a promogut, amb la fondacion Rockfeller, l’AGRA, sigla d’Aliança per una Revolucion Verda en Africa, que cèrca de favorir dins aquel continent la grana produsida per Monsanto.
Monsanto es una entrepresa que nasquèt en 1901 en fabricant la sacarina emplegada dins lo Coca-Cola. Pendent la Segonda Guèrra Mondiala forniguèt l’urani per desvolopar la bomba atomica. Pendent la guèrra dels Estats Units contra Vietnam produsiguèt l’Agent Irange, l’erbicida emplegat per desfolhar la jungla vietnamiana. Dempuèi los darrièrs 30 ans Monsanto es l’entrepresa mai importanta d’organismes geneticament modificats, çò que coneissèm per OGM.
Academi, coneguda ancianament amb los noms de Xe Services LLC, Blackwater USA e Blackwater Worldwide, es una entrepresa militara privada estatsunidenca qu’ofrís de servicis de seguretat. Foguèt fondada en 1997 e a sa sedença en Carolina del Nòrd, ont a un complèxe d’entraïnament tactic e militar. L’entrepresa entraïna mai de 40 000 personas per an. 90% de son profièch proven dels contractes qu’a amb lo govèrn dels Estats Units. Sa participacion a la Guèrra d’Iraq es estada fòrça polemica.
Segon SouthWeb, la venda d’Academi seguís l’intrada de la Fondacion Bill e Melinda Gates al capital de Monsanto. Aquela fondacion, creada pel cap de Microsoft, se ditz filantropica e es una de las fondacions mai grandas del Mond. Cal dire que la Fondacion Bill e Melinda Gates a promogut, amb la fondacion Rockfeller, l’AGRA, sigla d’Aliança per una Revolucion Verda en Africa, que cèrca de favorir dins aquel continent la grana produsida per Monsanto.
Monsanto es una entrepresa que nasquèt en 1901 en fabricant la sacarina emplegada dins lo Coca-Cola. Pendent la Segonda Guèrra Mondiala forniguèt l’urani per desvolopar la bomba atomica. Pendent la guèrra dels Estats Units contra Vietnam produsiguèt l’Agent Irange, l’erbicida emplegat per desfolhar la jungla vietnamiana. Dempuèi los darrièrs 30 ans Monsanto es l’entrepresa mai importanta d’organismes geneticament modificats, çò que coneissèm per OGM.
Academi, coneguda ancianament amb los noms de Xe Services LLC, Blackwater USA e Blackwater Worldwide, es una entrepresa militara privada estatsunidenca qu’ofrís de servicis de seguretat. Foguèt fondada en 1997 e a sa sedença en Carolina del Nòrd, ont a un complèxe d’entraïnament tactic e militar. L’entrepresa entraïna mai de 40 000 personas per an. 90% de son profièch proven dels contractes qu’a amb lo govèrn dels Estats Units. Sa participacion a la Guèrra d’Iraq es estada fòrça polemica.
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
L'afar d'aquel hoax represa per Rue89 :
http://www.rue89.com/2013/08/06/non-monsanto-na-rachete-plus-grande-armee-mercenaire-monde-244769
M'i soi faita enganar tanben, tant l'«informacion» me semblava pas de mal creire…
De fach, se Blackwater e Monsanto an plan trabalhat amassa, l'un auria pas tornat crompar l'autre. Aquò's una rumor que s'espandiguèt suls sites complotistas, mai que mai d'extrèma-drecha e qu'es a tornar sortir uèi. Parièr per la fondacion Gates, que vèsi pas çò qu'auria de veire aqui dedins.
Pasmens se l'afar de la venta es faus, a lo meriti de botar en lum las praticas d'aquelas doas entrepresas privadas mai poderosas que d'unes estats e, o cal ben dire, als objectius criminals.
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari