L'Universitat de Tolosa-Joan Jaurés presenta una oportunitat unica de mastèr: l’EVÒCA (Estudi e Valorizacion dels Patrimònis Occitan e Catalan). Aqueste diplòma s’encastra dins la campanha de candidatura estatala Mon Master, dobèrta fins al 24 de març.

Lo programa, ofèrt en presencial e en distancial pel dispositiu EVÒCA-D, permet als passionats de l'occitan o de catalan, o simplament als curioses d'aquelas lengas e culturas, de s'especializar en recèrca o gestion culturala.

Los estudiants aquerisson una formacion aprigondida sus las culturas occitana e catalana, en tot desvolopar de competéncias transversalas per melhor comprene los enjòcs e las oportunitats de promocion del patrimòni lingüistic e cultural.

Dempuèi 2021, los 35 estudiants d’aquel mastèr exclusiu an menat de recèrcas sus la lenga e la cultura, e de projèctes innovants de valorizacion del patrimòni en proximitat amb d'institucions oficialas, d’oficis de torisme, de musèus e d’entrepresas privadas.

La còla pedagogica es compausada d'ensenhaires-cercaires e de professionals, e assegura un ensenhament de proximitat per optimizar las competéncias dels estudiants. Lo dorsièr de candidatura pòt èsser depausat fins al 24 de març sus Mon Master.

Per ne saber mai, podètz vesitar lo sit de l’Universitat.