La comuna de Parlan (Castanhau) prepausa de terrens constructibles d’una valor d’1 èuro amb la tòca de revitalizar lo vilatge e luchar contra la desertificacion, çò rapòrta TF1 Info. Michel Teyssedou, cònsol màger de Parlan dempuèi 2008, a lançada aquela iniciativa après lo barrament d'una classa de l'escòla, anticipant lo declin demografic. En dètz ans, la populacion es passada de 310 a mai de 480 abitants gràcias a aquela ofèrta originala.

La comuna a tanben investit dins setze parcèlas per i crear un lotejament destinat a de particulars dont es la primièra crompa. Los aqueridors devon prene a lor carga la viabilizacion del terren, valent a dire 5000 èuros.

Per fin qu'aquelas iniciativas pòscan èsser concretizadas, l'esquipa municipala trabalha atengut cada jorn per obténer de subvencions de l'Estat. Gràcias a sos projèctes, aquela comuna pichona demòstra qu'es de tot en tot possible d'aliar ruralitat e atractivitat.