Actualitats
Corsega: Azawad a protagonizat las 32s Jornadas Internacionalas de Corti
Los amazighs d’Azawad son estats los convidats d’onor de las 32s Jornadas Internacionalas de Corti que se debanèron a la ciutat còrsa la dimenjada passada, los 3 e 4 d’agost.
Al delà de las representacions de Sardenha, del Bascoat, de Catalonha e quitament de Sicília, lo pòrtavotz del Movement Nacional per la Liberacion d’Azawad (MNLA), Mussa Ag Assarid, anèt a Corti per revendicar una sortida politica per Azawad, país ocupat per Mali e tocat per la guèrra.
Pasmens, lo debat màger de la manifestacion tractèt la reforma institucionala de l’Assemblada de Corsega. Per aquel tèma, Corsica Libera, qu’organiza las jornadas, convidèt los conselhièrs executius en carga dels dossièrs majorals de l’assemblada: Pierre Chaubon, sus aquela reforma institucionala, e Maria Giudicelli, sul plan d’Amainatjament e Desvolopament Sostenable de Corsega (PADDUC) e sus l’estatut de resident.
Las Jornadas Internacionalas de Corti (en còrs Ghjurnate Internaziunale di Corti) son una manifestacion annala que, dempuèi 1987, revendican la lenga e lo nacionalisme còrses. L’eveniment es vengut transnacional e i participan de movements de nacions sens estat de tot lo Mond: normalament d’alsacians, bascos, bretons, canacs, catalans, galeses, irlandeses, occitans, sardes, sicilians e tiroleses.
Al delà de las representacions de Sardenha, del Bascoat, de Catalonha e quitament de Sicília, lo pòrtavotz del Movement Nacional per la Liberacion d’Azawad (MNLA), Mussa Ag Assarid, anèt a Corti per revendicar una sortida politica per Azawad, país ocupat per Mali e tocat per la guèrra.
Pasmens, lo debat màger de la manifestacion tractèt la reforma institucionala de l’Assemblada de Corsega. Per aquel tèma, Corsica Libera, qu’organiza las jornadas, convidèt los conselhièrs executius en carga dels dossièrs majorals de l’assemblada: Pierre Chaubon, sus aquela reforma institucionala, e Maria Giudicelli, sul plan d’Amainatjament e Desvolopament Sostenable de Corsega (PADDUC) e sus l’estatut de resident.
Las Jornadas Internacionalas de Corti (en còrs Ghjurnate Internaziunale di Corti) son una manifestacion annala que, dempuèi 1987, revendican la lenga e lo nacionalisme còrses. L’eveniment es vengut transnacional e i participan de movements de nacions sens estat de tot lo Mond: normalament d’alsacians, bascos, bretons, canacs, catalans, galeses, irlandeses, occitans, sardes, sicilians e tiroleses.
Articles relacionats
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
Ausiguèri pas a parlar d'aquelas Jornadas Internacionalas de Corti a la ràdio o a la television (o ont que siá) ongan. Grandmercegi lo Jornalet alavetz per aquela informacion. Benlèu que los mèdias francimands volián pas far véser que los nacionalistas còrses son capables de balhar la paraula a d'autras minoritats e subretot a d'amazighs. Çò segur, es mai aisit de dire que los nacionalistas còrses son totes racistas, totes de la dreita extrèma, ... e que s'interessan sonque a lor problematica.
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari