L’ora es grèva e anam reprene la meteissa sansònha que las setmanas passadas per rendre compte de la partida entre los Dracs e Saint Helens d’aqueste dissabte a Brutus: los Dracs i son pas mai... Amb una esquipa modificada (lo capitani Casty suspendut, lo menaire de jòc Dureau nafrat...), los sang e aur joguèron una partida del meteis biais qu’aquestas doas darrièras mesadas. Ataquèron volontàriament, mas trauquèron pas la defensa anglesa. Saint Helens trapèt per contra dos còps los mejans de passar darrèr la linha; lo segond còp per l’alièr Makinson coma al tablèu negre. Morgan Escarré puntava l’ensag de l’espèr que Tomas Bòsc transformava. 10-6 pels angleses a la pausa.
Tre la represa, Makinson sautava mai naut que Dupòrt sus un còp de pè a seguir e s’espatarrava en tèrra promesa. E aquí, lo de-festenal catalan tornèt prene son ample: dominacion estèrla, paumas perdudas en debuta de cadena, inspiracions bufècas, manca de sosten dinamic al portaire de la pauma... Exemple: al tèrme d’una ataca supèrba, los Dracs s’expausavan a un contra e Marià arrestava irregularament un jogaire anglés: carton jaune. De retorn, sus la pelena lo jove catalan ne preniá un segond aprèp una explicacion de tèxte plan inutila entre los dos paquets. E d’aquel temps, Paul Wellens, mes sus orbita per sos partenaris, passava dos còps. Cinc ensags e tres transformacions: aquò fa fin finala del 26-6 pels Sants que ne profèitan per prene la cinquena plaça al classament als Dracs.
Fins ara, los Dracs an beneficiat de las victòrias dels primièrs del classament sus sos adversaris dirèctes, mas lo classament se restrenhís: a quatre jornadas de la fin de la fasa de classament, los Dracs son seisens, Hull KR a sa nautor amb un dèrbi de jogar dimenge contra Hull FC darrèr a dos punts.
Bradford, qu’es anat ganhar a Wakefield 26-24, se plaça en emboscada a 4 punts. E es justament a Bradford que los Dracs jogaràn dimenge de vèspre una partida que se pòt considerar coma decisiva. Se lo Paradís de las quatre primièras plaças s’es escapat, demòra lo Purgatòri qualificatiu per las pelhòfas de la 5a a l’8a plaça en esperant qu’aquò virarà pas fin finala a una davalada als infèrns...
Dimenge, lo capitani Casty tornarà al cap de sas tropas. Se ditz qu’Elima e Webb son competitius, mas es que pòdon téner lo ritme aprèp unas mesadas d’interrupcion? Unes braves copacaps per l’entraïnaire Fraissinós al moment d’establir sa tièra de 17 jogaires per Bradford e per una darrièra linha dreita infernala en forma de camin de crotz: recepcion de Wigan lo dissabte 17 d’agost, viatge a Leeds lo 31 d’agost e recepcion de Warrington lo 7 de setembre! Es pas un mes d’agost los pès en esventalh sus la plaja de Canet! Pas lo temps de bufar!
Alan Roch
Tre la represa, Makinson sautava mai naut que Dupòrt sus un còp de pè a seguir e s’espatarrava en tèrra promesa. E aquí, lo de-festenal catalan tornèt prene son ample: dominacion estèrla, paumas perdudas en debuta de cadena, inspiracions bufècas, manca de sosten dinamic al portaire de la pauma... Exemple: al tèrme d’una ataca supèrba, los Dracs s’expausavan a un contra e Marià arrestava irregularament un jogaire anglés: carton jaune. De retorn, sus la pelena lo jove catalan ne preniá un segond aprèp una explicacion de tèxte plan inutila entre los dos paquets. E d’aquel temps, Paul Wellens, mes sus orbita per sos partenaris, passava dos còps. Cinc ensags e tres transformacions: aquò fa fin finala del 26-6 pels Sants que ne profèitan per prene la cinquena plaça al classament als Dracs.
Fins ara, los Dracs an beneficiat de las victòrias dels primièrs del classament sus sos adversaris dirèctes, mas lo classament se restrenhís: a quatre jornadas de la fin de la fasa de classament, los Dracs son seisens, Hull KR a sa nautor amb un dèrbi de jogar dimenge contra Hull FC darrèr a dos punts.
Bradford, qu’es anat ganhar a Wakefield 26-24, se plaça en emboscada a 4 punts. E es justament a Bradford que los Dracs jogaràn dimenge de vèspre una partida que se pòt considerar coma decisiva. Se lo Paradís de las quatre primièras plaças s’es escapat, demòra lo Purgatòri qualificatiu per las pelhòfas de la 5a a l’8a plaça en esperant qu’aquò virarà pas fin finala a una davalada als infèrns...
Dimenge, lo capitani Casty tornarà al cap de sas tropas. Se ditz qu’Elima e Webb son competitius, mas es que pòdon téner lo ritme aprèp unas mesadas d’interrupcion? Unes braves copacaps per l’entraïnaire Fraissinós al moment d’establir sa tièra de 17 jogaires per Bradford e per una darrièra linha dreita infernala en forma de camin de crotz: recepcion de Wigan lo dissabte 17 d’agost, viatge a Leeds lo 31 d’agost e recepcion de Warrington lo 7 de setembre! Es pas un mes d’agost los pès en esventalh sus la plaja de Canet! Pas lo temps de bufar!
Alan Roch
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
A cada jorn, sa marrida novèla :
Taià suspendut per 3 partidas per la Comission de disciplina.
* « Mal de cap », « bon cop de falç » : la desfacha dels Dracs fa tornar la lenga catalana als jornalistas esportius de L'Indépendant ! (05/08/13)
* Marrida novèla : sason acabada per Daryl Millard : noseta deslogada.
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari