Jornalet quitèt de foncionar ièr dimars entre 10h e 14h pr’amor d’un atac informatic contra lo servidor que lòtja la gaseta occitana d’informacions. Segon los tecnicians qu’an trabalhat a resòlver lo problèma, l’atac foguèt localizat en China, mas pòt venir de quin ponch que siá de la planeta. “Podèm pas inculpar los chineses perque aqueles atacs viran dins lo Mond e per la màger part ne perdèm la pista”.
Lo servidor atacat lòtja de desenats de sits, al delà del de Jornalet. Cresèm pas que l’atac siá estat pensat per far de mal a aqueste jornal occitan. Los atacs d’aquesta mena venon de logicials programats dempuèi longtemps, que corron de pertot a travèrs del ret, e qu’atacan quand tròban una pòrta dobèrta per ont s’infiltrar.
Lo fach que siam ara en periòde de vacanças d’estiu dificultèt lo restabliment del servici ièr de matin.
La redaccion de Jornalet demanda excusa als legeires.
Lo servidor atacat lòtja de desenats de sits, al delà del de Jornalet. Cresèm pas que l’atac siá estat pensat per far de mal a aqueste jornal occitan. Los atacs d’aquesta mena venon de logicials programats dempuèi longtemps, que corron de pertot a travèrs del ret, e qu’atacan quand tròban una pòrta dobèrta per ont s’infiltrar.
Lo fach que siam ara en periòde de vacanças d’estiu dificultèt lo restabliment del servici ièr de matin.
La redaccion de Jornalet demanda excusa als legeires.
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
Oblidatz los hackers ! Lo péger qu’ei enqüèra a viéner…
Segon « Science & Avenir » lo camp magnetic deu só qu’ei just abans de partvirà’s (coma ac hè cada onze ans, chic o mic). Que deuré arribar d’ací 3 o 4 mes, dab la consequéncia que los hialats electrics e los satellits e seràn malament destorbats.
Los trabucs tà connectà’s au Jornalet ne seràn pas çò de mei maishant. Se n’atz pas lo cauhatge de lenha, anatz lèu-lèu crompar ua apriga mei que seram a l’entrada de l’invèrn…
(Pensar tanben a sortir lo vielh carelh de maiòta qui avètz estruçat au solèr.)
La bona novèla qu’ei dab drin de sòrta qu’i veiram de bèras auròras boreaus (òc-ben, dinc a las latituds nostas, se pòt) e, dab mensh de pollucion luminosa (e un cèu crum-eishenge), la comèta ISÒN que deuré lugrejar beròi.
Iopi !
Ooops, vos prègui de me desencusar... Aviái mal legit la pagina :S
Agachavi la segonda colomna que indicava lo genre... mas en francés...
Per contre, se disètz verai Domergue, i ai una error sus locongres.org.
Se caliá pas albergar sul meteis servidor que lo de Disney, agrada pas als Anonymous ! :D
Los Chineses… m'estonariá pas que foguèsse un miliardari novèl de Shanghai o Beijing al qual Montebourg a refusat la crompa del país d'òc per ne far un zòna de bronza-cuol jol pretèxte qu'èra ja fach !
Mas, per ieu, las atacas informaticas, etc. tot aquò es de chinés !
Coma dison los Chineses (cf. diccioanri de las expressions occitanas de Romieu) : « Es de segur un edicte imperial ! » 简 直 就 是 天 书
(It's double Dutch ! / it's all Greek to me ! / Per me è arabo ! /Eso es chino para mí ! )
Moriaaaa!! An atacat ath Jornalet, e es comentaris son lingüistics. HDP! Atau va Occitània!
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari