Actualitats
Sent Gaudenç: era 19u edicion de Passa-Pòrts que s’aprèsta
Deth 25 ath 30 de març eth hestau comengés prepausa de hèr revíver era passion dera cultura e dera lenga deth país
Joan-Pau FerréPassa-Pòrts, eth hestau comengés dera cultura occitana, organizat pera associacion Eth Ostau Comengés, que’s tenguerà deth 25 ath 30 de març a Sent Gaudenç.
Lançat en 2004, Passa-Pòrts qu’ei ara un eveniment conegut e arreconegut. Qu’ei ua veirina dera cultura occitana que s’adreça ats occitans, que sián occitanofòns o non, e a totas eras generacions.
Ath programa d’enguan, exposicion, projeccion del filmes en occitan, estagis de cant, de danças e d’acordeon, passejada istorica, conferéncia musicala, cantada, concèrts, balètis, arrencontres dab autors de polars e un escapajòc inedit “Murtres a Sent Gaudenç”.
Passa-Pòrts 2024 qu’arreceberà artistas de Comenge e de mès luenh coma Totis Tres, eth duo Acrilys, Pèire Rouch, Domenge e companhia, Peldrút, Mena Bruch…
Passa-Pòrts qu’acuelherà tanben era Jornada deths Gafets, on collegians e liceans deth parçan participaràn a ua visita comentada deth centre istoric de Sent Gaudenç, a ua conferéncia sus eras bohas e autbòis deths Pirenèus e a un concèrt de Mena Bruch.
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
I a pas cap de comentari
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari