capçalera campanha

Actualitats

CulturaEconomiaEnvironament
crotz-tolosaCreated with Sketch.DaufinatAut DaufinatOesen

Alp d’Ueis: un macrofestenal controversiat sus las montanhas

Lo Tomorrowland Winter mena 150 artistas sus uèch emponts, dont un a 3300 mètres d’altitud. Divèrses collectius denóncian la “disneylandizacion de la montanha”

| @TMLwinter

Tèxte legit

Dempuèi dissabte passat e fins a dimenge que ven, l’Alp d’Ueis (Oesen) aculhís un eveniment polemic, lo festenal Tomorrowland Winter, que mena 150 artistas sus uèch emponts, dont un a 3300 mètres d’altitud. E mai participen 22 000 festenalièrs del Mond entièr, lo collectiu Stop Tomorrowland de l’Alp d’Ueis protèsta contra la “disneylandizacion de la montanha” e denóncia las repercussions ecologicas, soslinhant una emprenta de carbòni enòrma amb de milièrs de tonas de gases d’efièch de sarra regetadas dins l’atmosfèra. En mai d’aquò, lo bruch e lo lum perturban la fauna e la flòra localas, çò rapòrta Reporterre.

Malgrat aquelas criticas, lo festenal benefícia de subvencions regionalas considerablas e sembla d’assegurar de retombadas economicas a la region. Pasmens, los opausants remeton en question aqueles beneficis, soslinhant los damatges de tèrme long sus l’environament e la montanha en general. La contèsta s’intensifica, sustot amb una demanda recenta al prefècte de divèrsas associacions per sasir lo tribunal administratiu.

De son latz, Extincion Rebellion a cridat a manifestar e s’espèra una protèsta remarcada. Arunan assolidèt qu’ongan organizarián una accion que seriá “una vertadièra cachavièlha” pels organizaires de l’eveniment per tal d’assegurar que l’edicion d’ongan del festenal “foguèsse la darrièra”.

 

 

 

 

 

 

 

 

Etiquetas

Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.

Bandièra05 1180x150: SIDILLÀ

Comentaris

Province = Polit Terrenc de Jòcs
2.

La disneylandizacion d'Occitània en particular e de l'Exagon francés en general es de longa estat una evidencia en França, plan abans que nasèja aquel nom de didneylandizacion. Es la seguida logica del rapòrt de domenacion qu'a sempre entretengut Paris suls seus territòris.

Aquel bocin exagonal d'Europa, dich "França", es la proprietat privada de Paris e per plan indicar qu'es seuna e plan seuna, sona aquesta proprietat "la province". Expression doblament possessiva, ont l'article "la" es usat coma l'article possessiu "ma", exactament coma l'expression "la" veitura o "la" femna ditz implicitament que parlatz de la(s) vòstra(s). Segondament, quand agachatz l'etimologia de "provincia" que ven del latin "pro vencere" que significa "territòri vençut" es encara pus clar.
Amb aquesta dobla emprisa implicitament nisada dins la formula "la province" se compren aisidament cossi dins la cultura francèsa tot Parisenc, qual que siague, considèra instinctivament e implicitament "la province" coma son domèni privat, son terrenc de jòcs e que ne'n pòt far tot çò que li passa pel cap.
"La" province, es çò seu, e lo manat de pacans endarrierats qu'i vivan dessus a l'annada, aqueles estatjants nècis e estabosits dels "territòris vençuts" , que sabon pas grand causa del gaubi e de la modernitat (son pas totalament de ciutadans, pecaire ! que lo ciutadan francés vertadièr es per definicion lo parisenc ) e que romègan de longa davant la mendra innovacion geniala (coma, tè, a l'azard, Tomorrowland!) son tròp nècis e primitius per i compréne quicòm.

"Aürosament"(!) que Paris a sauput contra-balançar aquel necitge provincial endemic amb un malhum d'institucions departamentalas e regionalas als òrdres de la planificacion de l'engèni parisenc e que sabon melhor que l'estatjant provincial çò qu'es bon culturalament e economicament per èl (e plan segur per Paris !). Alara, s'aquel festenal, saique nascut dins quauqua tèsta aparisenquida, beneficia de subvencions regionalas considerablas e s'es censat assegurar de retombadas economicas a la region, caldria vertadièrament ésser un estabosit de provincial per s'i opausar, non ?

  • 4
  • 1
Pitèas
1.

I a bèl brieu que dins un fum d'airals la natura es venguda un Disneyland, un terren de jòc que s'i maltracta la fauna, s'i destrusís la flòra e s'i oblidan las bordilhas.

  • 5
  • 1

Escriu un comentari sus aqueste article