Almens 133 personas mòrtas e 145 nafradas es lo tragic bilanç provisòri de l’atemptat terrorista que lo patiguèt divendres la sala de concèrts Crocus City Hall de Krasnogorsk, dins la banlèga de Moscòu. Divèrses atacants, en tenguda de camoflatge, fusilhèron los espectators d’un concèrt del grop de ròck Piknik.

L’Estat Islamic Província de Khorasan a revendicat lo masèl dins un comunicat difusat sus Telegram. Las fòrças de seguretat russas an arrestat 11 suspèctes dont quatre coma presumits atacaires.

De rapòrts recents d’intelligéncia avertissián d’un possible atemptat del grop terrorista Estat Islamic Província de Khorasan en Russia. Aquela branca de l’Estat Islamic, qu’a operat principalament en Afganistan, Paquistan e Iran, ven d’espandir sas operacions en Russia.

L’Estat Islamic Província de Khorasan, qu’es aquò?

L’Estat Islamic Província de Khorasan sorgiguèt en 2015 pendent l’espandiment de l’autoproclamat “califat islamic” comandat per Abu Bakr Al Baghdadi, e se constituiguèt amb de milicians provenents de plusors grops armats de la region que venián d’espelir. Sas operacions militaras demesiguèron fòrça, mas lo grop armat se reviscolèt après lo retirament de las fòrças internacionalas d’Afganistan.

Son d’opausants als talibans d’Afganistan, per eles tròp moderats. Aquí revendiquèron mai d’un atemptat, coma los atacs contra l’aeropòrt de Kabol en 2021 e un chaple en Iran que tuèt 84 personas.

Entre 2015 e 2021, lo grop perdèt sièis comandants, e ara es comandat per Shabab Al Muhajir, considerat coma un expèrt en estrategias de guèrra urbana.

Son espandiment dins l’estat gigant eslau a portat un chepic màger a las regions qu’an una importanta populacion musulmana, mai que mai dins las regions del nòrd de Caucàs, ont se se cometèt plusors atemptats jihadistas coma l’atac contra l’aeropòrt de Domodedovo en 2011 e la presa d’ostatges al teatre Dubrovka en 2002.

Grazie al coraggio di chi dentro la Crocus City Hall di #Mosca ha ripreso quello che stava accadendo con il cellulare possiamo avere informazioni utili su dinamica, armi usate e possibile matrice dell'attentato. Ed evitare speculazioni politiche sull'Ucraina pic.twitter.com/aoS0wc6BVS

— Alessio Lasta (@alessiolasta) March 23, 2024

“ What were you doing in Crocus?! - Shoot! One of the terrorists said that they promised to pay him 500 thousand rubles for killing innocent people, but managed to receive 250 thousand rubles

One of the terrorists who raided Crocus City Hall admitted that he acted

1/ pic.twitter.com/Z0mpATgDKw

— 🇷🇺Jacob🇷🇺Charite🇷🇺 (@jaccocharite) March 23, 2024