En espaci de duas setmanas, 72 collegians d’Aurinhac, de Saliás e d’Aspèth, e 33 liceans de Sent Gaudenç que partiren en viatge en Catalonha, en tot participar a projèctes interdisciplinaris qu’associavan occitan, lengas de l’Antiquitat, espanhòu, istòria-geografia e SVT (scièncias dera vida e dera tèrra).

Aqueris joenis que poderen atau prénguer consciéncia dera parentat lingüistica entram occitan e catalan, per exemple pendent eths talhèrs de danças tradicionalas animats per Joan Codina, musician catalan que balhèc explicacions e consignas en gascon e en catalan, e que poderen entervistar ara fin dera sua intervencion. Aqueris viatges qu’avián tanben coma objectiu d’ensenhar eras arrelacions estretas qu’entretenguen eras tèrras occitanas e catalanas, en tot partir d’un eretatge comun, eth deth Empèri Arroman. En aqueth sens, eras visitas deth musèu Narbo Via (Narbona) e deths centres istorics de Barcelona e de Girona que huren particularament esclairantas. Eras especificitats dera cultura catalana huren cap tanpòc desbrembadas: era visita dera Casa dels Entremesos que permetec atau de parlar deths Gegants e deths animaus totemics catalans, e un grop de collegians qu’arrencontrèc tanben eths castellers de Calella.

Aqueris viatges que permeteren encara d’estudiar eth art modèrne —eth Palau Güell, òbra de Gaudí, e eth musèu Dalí, a Figueres— e tanben eras sciéncias, damb caminadas peth Parc Naturau dera Zòna Volcanica de Garrotxa e damb era visita deth Musèu dera Sciéncia de Barcelona, on eths escolans poderen arrealizar un pialòt d’experiéncias ludicas e traversar un bòsc tropicau!

Ara, plaça aths trebalhs d’arrestitucion. Collegians e liceans que deven escríver e enregistrar uns quantis arreportatges àudio. Enfin, pendent era annada 2024-2025, un escambi lingüistic qu’aurà lòc entram eth licèu Bagatelle de Sent Gaudenç e eth de Granollers, ath costat de Barcelona. Eths liceans catalans que visitaràn atau Comenge ara tardor.

Jornalet a una seccion especifica sus l’escòla occitana. Nos agradariá fòrça que las escòlas, que sián de Calandretas o d’escòlas bilingüas, poguèsson emplenar elas meteissas aquesta seccion amb de nòvas, e que los quites escolans las poguèsson redigir en explicar los faches que fan l’actualitat dins cada escòla: una excursion culturala, la vesita d’una personalitat, una fèsta populara amb los parents, una competicion esportiva, etcetèra. Evidentament, las fotografias, los enregistraments o los imatges de vidèo seràn tras que benvenguts, se n’i a.

Se cada escòla nos manda quatre o cinc nòvas per an serem plan contents e satisfaches. Pensam que pòt èsser un bon ponch d’amassada per la comunautat educativa occitana, una iniciativa interessanta pels escolans e un esplech de socializacion lingüistica per las familhas dels escolans.

Esperam de poder comptar amb lo vòstre sosten, e esperam que Jornalet serà una aisina utila per las escòlas occitanas. Mandatz-nos las vòstras nòvas a info@jor…